حساس ادارے کے دفتر پر حملہ کی کوشش ناکام

حساس ادارے کے دفتر پر حملہ کی کوشش ناکام

باغی ٹی وی کی رپورٹ کے مطابق خیبر پختونخواہ کے علاقے چارسدہ میں حساس ادارے کے دفتر پر حملہ کی کوشش ناکام بناتے ہوئے پولیس نے حملہ آور کو ہلاک کردیا۔

چارسدہ میں حساس ادارے کے دفتر پر ایک شخص نے فائرنگ کرکے اندر گھسنے کی کوشش کی تاہم پولیس نے بروقت جوابی کارروائی کرتے ہوئے حملہ آور کو ہلاک کردیا جب کہ اس کے قبضے سے اسلحہ بھی برآمد کرلیا گیاہے۔

ڈی پی او چارسدہ کے مطابق دہشت گرد نے ڈسٹرکٹ ہاؤس کو ٹارگٹ بنایا تھا تاہم پولیس نے دہشت گردی کا حملہ ناکام بنادیا، پولیس کے مطابق ضلع میں پہلے سے ہی تھریٹ الرٹ تھا تاہم واقعہ کے بعد پولیس نے علاقے کو گھیرے میں لے کر سرچ آپریشن شروع کردیا گیا ہے

دہشت گرد کی حساس ادارے پر فائرنگ کی اطلاع پر پولیس کی بھاری نفری موقع پر پہنچی اور جائے وقوعہ کوگھیرے میں لے کر دہشت گرد کو انجام تک پہنچا دیا،پولیس نے علاقے میں بڑے پیمانے پر سرچ آپریشن کا آغاز کر دیا ہے

واقعہ کے بعد سکولوں, سرکاری دفاتر کی سیکیورٹی مزید سخت کر دی گئی اور پولیس کا گشت بڑھا دیا گیا ہے

جواب چھوڑیں

آپ کا ای میل ایڈریس شائع نہیں کیا جائے گا.