تعلیم میں سیاست نہیں چلے گی!بنوں: سرکاری اسکول میں سیاسی جلسے پر ہیڈ ماسٹر معطل

0
34

پشاور:حکومت کے پی نے صوبے کے تعلیمی نظام کو سیاست سے پاک کرنے کے عزم کودہراتے ہوئے بنوں کے سرکاری اسکول میں سیاسی جلسے پر خیبرپختونخوا حکومت نے برہمی کا اظہار کرتے ہوئے ہیڈ ماسٹر کو معطل کردیا۔

ذرائع کےمطابق بنوں کے ایک سرکاری اسکول میں 4 روز قبل اے این پی رہنماء ایمل خان کے جلسے کا انعقاد کیا گیا تھا، جس پر خیبرپختونخوا حکومت نے سخت برہمی کا اظہار کرتے ہوئے کارروائی کی ہدایت کی تھی۔محکمہ تعلیم خیبرپختونخوا نے کارروائی کرتے ہوئے اسکول کے ہیڈ ماسٹر کو معطل کردیا۔

کے پی کے مشیرتعلیم ضیاء اللہ بنگش نے معاملے کی مذمت کرتے ہوئے کہا کہ اسکول میں سیاسی جلسے کا انعقاد افسوسناک ہے۔مشیر تعلیم نے خبردار کیا کہ دوبارہ کسی بھی اسکول کو سیاسی مقاصد کیلئے استعمال کیا گیا تو متعلقہ ہیڈ ماسٹر، پرنسپل سمیت ڈی ای او کیخلاف کارروائی ہوگی۔

Leave a reply