ہائی کمشنر زاہد حفیظ چوہدری بھی شاہ جی کوملنے وزارت خارجہ پہنچ گئے

اسلام آباد: ہائی کمشنر زاہد حفیظ چوہدری بھی شاہ جی کوملنے وزارت خارجہ پہنچ گئے،اطلاعات کے مطابق آسٹریلیا کیلئے پاکستان کے نامزد ہائی کمشنر زاہد حفیظ چوہدری نےوزارتِ خارجہ میں وزیر خارجہ مخدوم شاہ محمود قریشی سے ملاقات کی ہے

ذرائع کے مطابق اس ملاقات میں وزیر خارجہ نے بطورِ ہائی کمشنر آسٹریلیا تعیناتی پر زاہد حفیظ چوہدری کو مبارکباد دی

مخدوم شاہ محمود قریشی نے اس موقع پر کہا کہ پاکستان اور آسٹریلیا کے درمیان دو طرفہ تجارت سمیت مختلف شعبوں میں تعاون بڑھانے کے وسیع مواقع موجود ہیں،

مخدوم شاہ محمود قریشی نے کہا کہ مجھے توقع ہے کہ آپ کی بطور ہائی کمشنر تعیناتی سے دو طرفہ مراسم مزید مستحکم ہوں گے،

وزیر خارجہ نے بطورِ ترجمان دفتر خارجہ، زاہد حفیظ چوہدری کی خدمات کی تعریف کی، اس موقع پر زائد حفیظ چوہدری نے توصیفی کلمات پر وزیر خارجہ کا شکریہ ادا کرتے ہوئے پاکستان اور آسٹریلیا کے درمیان کثیرالجہتی شعبہ جات میں دو طرفہ تعاون کے فروغ کیلئے اپنی تمام صلاحیتوں کو بروئے کار لانے کا یقین دلایا