اعلیٰ ظرفی: شکوے دورکرنے کے لیے چوہدری مونس الٰہی بلاول زرداری سے ملنے پہنچ گئے

اسلام آباد:اعلیٰ ظرفی: شکوے دورکرنے کے لیے چوہدری مونس الٰہی بلاول زرداری سے ملنے پہنچ گئے،اطلاعات کے مطابق سندھ کے پانی کی تقسیم کے شکوے دور کرنے کے لیے اعلٰی ظرفی کا مظاہرہ کرتے ہوئے چوہدری پرویز الٰہی سے صاحبزادے وفاقی وزیرآبی ذخائربلاول ہاوس پہنچ گئے ،

ذرائع کےمطابق چیئرمین بلاول بھٹو زرداری نے چوہدری مونس الہی سے چوہدری شجاعت حسین کی صحت سے متعلق خیریت دریافت کی، اس موقع پر چیئرمین بلاول بھٹو زرداری نے چوہدری مونس الہی سے چوہدری پرویز الہی کے لئے نیک تمناؤں کا اظہار بھی کیا

یہ بھی معلوم ہوا ہے کہ چیئرمین بلاول بھٹو زرداری اور چوہدری مونس الہی کے درمیان ملک کی مجموعی سیاسی صورت حال پر بات چیت ہوئی ،بات چیت کےدوران چیئرمین بلاول بھٹو زرداری اور چوہدری مونس الہی کے درمیان ملک میں پانی کی ترسیل کے نظام پر بھی تبادلہ خیال ہوا

اسلام آباد سے باغی ٹی وی ذرائع کےمطابق چیئرمین بلاول بھٹو زرداری اور چوہدری مونس الہی کے درمیان سندھ میں پانی کی تاریخی قلت کے معاملے پر بھی تفصیلی گفتگو ہوئی

ذرائع کےمطابق چیئرمین بلاول بھٹو زرداری اور مسلم لیگ ق کے رہنما چوہدری مونس الہی کے درمیان ملاقات کے موقع پر مصطفی نواز کھوکھر بھی موجود تھے ، اس موقع پر چوہدری مونس الٰہی نے بلاول بھٹو کویقین دلاتے ہوئے کہا کہ کسی کے ساتھ زیادتی نہیں ہورہی ، ہمیں سیاسی بیان بازی سے پرہیز کرکے پاکستان کے لیے سوچنا چاہیے