fbpx

سیکیورٹی فورسز کا آپریشن،ہائی ویلیو دہشت گرد کمانڈر3 ساتھیوں سمیت گرفتار،آئی ایس پی آر

سیکیورٹی فورسز نے آپریشن کے دوران ہائی ویلیو دہشت گرد کمانڈر کو 3 ساتھیوں سمیت گرفتار کرلیا۔

آئی ایس پی آر کے مطابق سیکیورٹی فورسز نے شمالی وزیرستان میں حافظ گل بہادر گروپ کے دہشت گردوں کے خلاف 2 آپریشنز کیے۔

شمالی وزیرستان میں ایک آپریشن کے دوران سیکیورٹی فورسز نے 3 دہشت گردوں کو ہلاک کردیا، جن کے قبضے سے اسلحہ، گولہ بارود اور آئی ای ڈیز برآمد ہوئے۔

آئی ایس پی آر کے مطابق دوسرے آپریشن میں فورسز نے ہائی ویلیو دہشت گرد کمانڈر کو 3 ساتھیوں سمیت گرفتار کیا ہے۔

آئی ایس پی آر کے مطابق مارے گئے اور پکڑے گئے تمام دہشت گردوں کا تعلق حافظ گل بہادر گروپ سے تھا۔

فورسز نے خفیہ اطلاع پر دونوں آپریشنز کیے، یہ دہشت گرد سیکیورٹی فورسز پر حملوں، بھتے اور شہریوں کے قتل میں ملوث ہیں۔