fbpx

حجاب پر تنقید ، ثنا خان نے صارف کا منہ بند کردیا

گزشتہ برس اسلام کی خاطر شوبز کو خیر باد کہنے والی بالی ووڈ کی سابق اداکارہ و ماڈل ثنا خان نے حجاب پر تنقید کرنے والے صارف کو جواب دیا ہے۔

باغی ٹی وی : شوبز کو خیرباد کہنے او مفتی انس سے شادی کے بعد سے ثنا خان مغربی لباس پہننے کی بجائے اب مکمل طور پر حجاب میں ملبوس میں نظر آتی ہیں اور شوہر کے ساتھ اپنی تصاویر سوشل میڈیا پر مداحوں کے ساتھ شئیر کرتی رہتی ہیں تصاویر کو مداحوں کی جانب سے خوب پسند کیا جاتا ہے-

گزشتہ روز ثنا خان نے اپنی حجاب میں لی گئی تصویر سماجی رابطے کی ویب سائٹ انسٹاگرام پر شئیر کرتے ہوئے ثنا خان نے لکھا سنو! لوگوں سے ڈرتے کیوں ہو؟ کیا تم نے یہ آیت نہیں پڑھی ’اللہ جسے چاہے عزت دیتا ہے، اور اللہ جسے چاہے ذلت دیتا ہے۔-

انہوں نے لکھا کبھی عزتوں میں ذلت چھپی ہوتی ہے اور کبھی ذلتوں میں عزت۔ سوچنا اور سمجھنا ہمیں ہے کہ ہم کون سے راستے پر ہیں اور اصل میں ہم کس چیز کے حقدار بن رہے ہیں۔

ثنا خان کی اس پوسٹ پر جہاں صارفین نے تعریفی کمنٹس کئے وہیں ایک صارف نے ثنا کے حجاب پر تنقید کی بھی-

صارف نے لکھا کہ اتنی پڑھائی لکھائی کرکے کیا فائدہ کہ پردے کے اندر رہنا۔

صارف کے کمنٹس کے جواب میں ثنا خان نے لکھا کہ میرے بھائی جب پردے میں رہ کے میں اپنا کام کرسکتی ہوں، میرے اتنے اچھے سسرال والے اور شوہر ہیں تو مجھے اور کیا چاہئے۔ سب سے بڑی بات اللہ میری ہر قدم پر حفاظت کررہا ہے الحمداللہ۔ اور میں اپنی تعلیم بھی مکمل کرچکی ہوں تو کیا یہ صورتحال میرے حق میں نہیں؟-

ثنا خان کی پوسٹ پر ان کے شوہر مفتی انس نے لکھا کہ جی بیگم صاحبہ اللہ تعالیٰ جسے چاہے عزت دے جس طرح اس نے آپ کو اپنا تعلق نصیب فرمایا-

جواب چھوڑیں

آپ کا ای میل ایڈریس شائع نہیں کیا جائے گا.