fbpx

حمزہ شہباز حلف،عدالت لارجر بینچ بنانے کی سفارش کرتی ہے ،تحریری حکمنامہ

اب تواس پرلارجربینچ بنناچاہیے،حمزہ شہباز کا حلف رکوانے کی درخواست پر عدالت کے ریمارکس

لاہور ہائیکورٹ نے حمزہ شہباز کے حلف کے حکم کیخلاف تحریک انصاف کی درخواست پر تحریری فیصلہ جاری کردیا
جسٹس ساجد محمود سیٹھی اور جسٹس طارق سلیم شیخ نے تحریری فیصلہ جاری کیا ،تحریری فیصلہ میں کہا گیا ہے کہ عدالت معاملے کی اہمیت کو دیکھتے ہوئے لارجر بینچ بنانے کی سفارش کرتی ہے، درخواست میں اہم قانونی اور آئینی سوالات اٹھائے گیے ہیں عدالت مناسب سمجھتی ہے کہ کم از کم پانچ یا اس سے زیادہ معزز ججوں پر مشتمل ایک لارجر بینچ کی تشکیل دیا جائے، عدالت پیرا 9 حزف کرنے کا حکم دیتی ہے، پیرا 9 میں صدر اور گورنر سے متعلق آبزرویشن دی گئی تھی، درخواست گزار نے بتایا کہ صدر اور گورنر کو فریق نہیں بنایا گیا، درخواست گزار نے بتایا کہ صدر اور گورنر کے خلاف منفی ریمارکس دئیے گیے جو خارج کیے جائیں سنگل بینچ کی درخواست قابل سماعت نہیں تھی, توہین عدالت کی درخواست دائر ہوسکتی تھی، وکیل کے مطابق قومی اسمبلی کے سپیکر سمیت کسی مخصوص شخص کو نامزد کرنے کا اختیار نہیں ہے،اگر اپیل کنندگان کی طرف سے کوئی اور درخواست دائر کی گئی ہے تو اسکو بھی ساتھ سنا جائے گا،

قبل ازیں لاہورہائیکورٹ میں حمزہ شہباز حلف کا حکم نامہ رکوانے کی درخواست پر سماعت ہوئی ،جسٹس ساجد محمود سیٹھی اور جسٹس طارق سلیم شیخ نے سماعت کی تحریک انصاف کے وکیل اظہر صدیق روسٹرم پر موجود تھے ،وکیل اظہر صدیق نے کہا کہ ہماری کوشش تھی کہ حلف سے پہلے درخواست پر سماعت ہو جاتی حلف ہو چکا ہے، ہمارے 3 اعتراضات ہیں، جسٹس ساجد محمود سیٹھی نے استفسار کیا کہ اگر حلف ہو گیا ہے تو آپ نے تو حکم چیلنج کیا ، وکیل اظہر صدیق نے کہا کہ معاملے پر سپریم کورٹ کی فیصلے موجود ہیں، جسٹس ساجد محمود سیٹھی نے کہا کہ اب تو اس پر لارجر بینچ بننا چاہیے،

اظہر صدیق ایڈوکیٹ نے کہا کہ عدالت سے استدعا کی کہ میرے پاس انٹراکورٹ اپیل اور سپریم کورٹ کا حق ہے میں نے کہا کہ پہلے درخواست کے قابل سماعت ہونے کو دیکھا جائے،جسٹس ساجد محمود سیٹھی نے کہا کہ ایسی صورت حال میں عدالتی حکم پر عمل کے لیے آئے،جسٹس طارق سلیم نے ریمارکس دیتے ہوئے کہا کہ یہ بتائیں کہ عمل نہ ہونے پر صورت حال تبدیل نہیں ہوئے،عدالت ریلیف کو مولڈ بھی تو کر سکتی ہے، اظہر صدیق ایڈوکیٹ نے کہا کہ عدالت نے تیسرا راستہ لیا جو آئین میں نہیں ہے، جسٹس ساجد محمود سیٹھجی نے استفسار کیا کہ اگر پارلیمنٹ کورٹ آڈر پر عمل نہ کرے تو پھر عدالت کیا کرے؟ جسٹس ساجد محمود سیٹھی نے وکیل سے استفسار کیا کہ کیا آپ متاثرہ فریق ہیں؟ اظہر صدیق ایڈوکیٹ نے کہا کہ کابینہ بحال ہوچکی،استعفیٰ مسترد ہو گیا ہے،یہاں حلف لے لیا گیا ہے،تاریخ میں پہلے کبھی ایسا نہیں ہوا کہ 3 فیصلے ہوئے، جسٹس ساجد محمود سیٹھی نے ریمارکس دیتے ہوئے کہا کہ ہم اس پر نوٹس کر دیتے ہیں،اظہر صدیق نے کہا کہ تین فیصلے آئے اس پر قانون کا سوال ہے، جسٹس ساجد محمود سیٹھی نے کہا کہ ہم تو ایمرجنسی میں آئے ہیں،ہم لارجر بینچ بنانے کی ہدایت کر دیتے ہیں،عدالت نے چیف جسٹس سے معاملے ہر لارجر بینچ بنانے کی سفارش کردی

تحریک انصاف کے وکیل نے سنگل بینچ کا فیصلہ معطل کرنے کی استدعا کردی لاہورہائیکورٹ نے پیرا 9 حذف کرنے کی استدعا منظور کر لی ،عدالت نے صدر اور گورنر سے متعلق ریمارکس حذف کرنے کی استدعا منطور کر لی، عدالت نے صدر اور گورنر کیخلاف ریمارکس اور آبزرویشن ختم کرنے کی استدعا منظورکر لی،

قبل ازیں پی ٹی آئی وکیل اظہر صدیق کا کہنا تھا کہ حلف اٹھا لیا گیا لیکن ہماری درخواست پر سماعت نہیں ہو سکی،ججز چیمبر میں موجود لیکن ہائیکورٹ رجسٹرار آفس فائل نہیں لے کر آیا، ہمیں جو خدشہ تھا وہی ہوا،

قبل ازیں قبل ازیں لاہورہائیکورٹ فیصلے کے خلاف پی ٹی آئی اراکین پنجاب اسمبلی نے اپیل دائر کی تھی، ایڈووکیٹ اظہر صدیق نے کہا کہ عدالت کے تینوں فیصلوں میں تضاد ہے ،رات کو انٹرا کورٹ اپیل دائر کرنے آئے تھے مگر ڈائری صبح کے وقت ہوتی ہے وکیل پی ٹی آئی اظہر صدیق نے کہا کہ ہم نے فیصلے کے خلاف انٹرا کورٹ اپیل دائر کردی ہے،لاہور ہائیکورٹ کے 3 فیصلے حقائق کے برعکس ہیں گورنر اور صدر کو عدالت ہدایات نہیں دے سکتی اپیل کرنے کا حق چھیننے کی کوشش نہیں ہونی چاہیے- وکیل پی ٹی آئی اظہر صدیق نے کہا کہ 11بجے سے پہلے پہلے اس اپیل پر سماعت ہونی چاہیے تاریخ میں یہ تینوں فیصلے نہیں رہنے

آزادی اظہار کے تحفظ پر کوئی سمجھوتہ نہیں کریں گے،مریم اورنگزیب

عمران خان نے خطرناک کھیل کھیلا، کسی بھی رحم یا رعایت کا مستحق نہیں،مریم نواز

قانون کے برخلاف حلف برداری کو رکوایا گیا،عطا تارڑ

حلف نہ لینے کے معاملے پرعدالتی حکم پرعمل کی درخواست سماعت کے لیے مقرر

صدر مملکت نے وزیراعظم کو خط کا "جواب” دے دیا

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

حمزہ شہباز شریف نے بطور وزیراعلی پنجاب اپنے عہدے کا حلف اٹھا لیا

آئین شکنوں کو گرفتار کر کے سلاخوں کے پیچھے ڈال دینا چاہئے،مریم نواز