حرا نے سالگرہ پر کس تحفے کو بہترین قرار دیا

معروف اداکارہ حرا مانی نے اپنی سالگرہ کے موقع پر مانی کی طرف سے ملنے والے تحفے کا شکریہ ادا کرتے ہوئے اس تحفے سب سے بہترین تحفہ قرار دے دیا

باغی ٹی وی : گذشتہ روز پاکستان شوبز انڈسٹری سے تعلق رکھنے والی معروف اداکارہ حرا مانی نے اپنی سالگرہ منائی جس کی تصاویر انہوں نے سماجی رابطے کی ویب سائٹ انسٹاگرام پر شیئر کیں


حرا مانی نے اپنے شوہر کے ہمراہ ایک تصویر شیئر کی جس میں وہ اپنی سالگرہ کا کیک کاٹ رہی ہیں اور انہوں نے اپنے دونوں ہاتھوں میں گلاب اور چنبیلی کے پھولوں کے گجرے پہنے ہوئے ہیں

حرا نے اپنی اس تصویر کے کیپشن میں مانی سے اپنی محبت کا اظہار کرتے ہوئے لکھا کہ مانی ان گجروں کے لیے آپ کا شکریہ اس سے بہترین تحفہ تو کوئی ہو ہی نہیں سکتا

ٹی وی اور فلم کے اداکار جنید خان نے بھی حرا کو سالگرہ کی مبارکباد دی

حرا نے اپنی ایک اور تصویر شئیر کی اُنہوں نے اپنی اس تصویر کے کیپشن میں مانی کو مخاطب کرتے ہوئے لکھا کہ میری سالگرہ کو اتنا خاص بنانے کے لیے آپ کا شکریہ


اداکارہ نے لکھا کہ میں خوش قسمت ہوں کہ آپ میری زندگی کا حصہ ہیں

جواب چھوڑیں

آپ کا ای میل ایڈریس شائع نہیں کیا جائے گا.