ہمارا مقصد سندھ کو فتح کرنا نہیں ہے وزیر خارجہ شاہ محمود قریشی

وزیر خارجہ شاہ محمود قریشی نے کہا کہ ہمارا مقصد سندھ کو فتح کرنا نہیں ہے –

باغی ٹی وی : کراچی میں سینئر سیاستدان ممتاز بھٹو کی تعزیت کے لیے آئے ہوئے وزیرِ خارجہ شاہ محمود قریشی نے میڈیا سے گفتگو کرتے ہوئے کہا کہ سندھ پاکستان کی اکائی ہے سندھ کے عوام تبدیلی کے خواہشمند ہیں حقیقت کو تسلیم کیا جائے۔

انہوں نے کہا کہ سیاسی عمل جاری رہتا ہے آج سندھ میں لاء اینڈ اینڈ آرڈر کی جو صورتحال ہے اس سے سب آگاہ ہیں ، ویکسین کو بھی نہیں بخشا گیا ،تھرپارکر کی صورتحال سب کے علم میں ہے ہمیں جمہوری روایات کا سبق پڑھانے والے لاڑکانہ میں اس کا پاس رکھیں ،کیا جمہوری روایات صرف اسلام آباد تک محدود ہیں ۔

شاہ محمود قریشی نے کہا کہ سندھ میں سیاسی وزن رکھنے والی شخصیات پی پی سے نالاں ہیں، اگر یہ تمام قوتیں لاڑکانہ میں اجلاس کرتی ہیں تو اس میں برائی نہیں۔

چین کے ساتھ تعلقات پر بات کرتے ہوئے شاہ محمود قریشی نے کہا کہ چین سے تعلقات کسی سے ڈھکے چھپے نہیں ، چین کے دورے میں دو طرفہ تعلقات اور سی پیک پر گفتگو ہوئی ہے ، داسو واقعہ بزدلانہ کارروائی ہے جس سے پاکستانی اور چینی باشندے متاثر ہوئے ، کچھ طاقتیں استحکام نہیں چاہتیں ۔

انہوں نے کہا کہ چین کے ساتھ کی نوعیت کو کچھ طاقتیں سمجھ نہیں سکتیں۔