حمزہ شہباز کی عدم پیشی پر بڑوں کو توہین عدالت کے نوٹسز جاری

حمزہ شہباز کی عدم پیشی پر بڑوں کو توہین عدالت کے نوٹسز جاری

باغی ٹی وی کی رپورٹ کے مطابق احتساب عدالت نے حمزہ شہباز کو پیش نہ کرنے پر توہین عدالت کا شوکاز کو نوٹس جاری کر دیا

عدالت نے حکومت پنجاب، آئی جی جیل خانہ جات، سی سی پی او لاہور ایس پی ہیڈ کوارٹر کو شوکاز نوٹسز جاری کئے،عدالت نے نامزد افراد کو 10 نومبر کو ذاتی حیثیت میں پیش ہونے کا حکم دے دیا،

عدالت نے کہا کہ تمام افراد کیخلاف سیکشن 16 بی کے تحت کارروائی کا آغاز کیا جائے گا، ملزم کو پیش کرنے کی ذمہ داری حکومت اور پولیس کی تھی،

احتساب عدالت لاہورمیں رمضان شوگر ملز ریفرنس سے متعلق کیس کی سماعت ہوئی ,

عدالت نے جیل حکام سے استفسار کیا کہ حمزہ شہباز کیوں پیش نہیں ہوئے؟ جس پر جیل حکام نے کہا کہ جیل سے حمزہ شہباز کو لانے کے لیے بکتر بند گاڑی بھیجی ہے،حمزہ شہباز نے بکتر بند گاڑی میں آنے سے انکار کردیا ہے

عدالت نے برہمی کا اظہار کیا اور ریمارکس دیتے ہوئے کہا کہ کیا عدالت جیل چلی جائے ؟

ڈپٹی سپرٹینڈنٹ نے عدالت میں کہا کہ حمزہ شہباز کو 8 بجے کر 25 منٹ پر جوڈیشل حکام کے حوالے کیا ، ملزم نے بکتر بند گاڑی دیکھ کر عدالت میں آنے سے انکار کیا ،

عدالت نے ریمارکس دیتے ہوئے کہا کہ یہ اب ملزمان کی مرضی ہوگئی کہ وہ عدالت پیش ہوں یا نہ ہوں؟ احتساب عدالت کے جج امجد نذیر چوھدری نے کہا کہ یہ ریاست کی ناکامی ہے کیا وہ ملزم کے سامنے بے بس ہے ؟عدالت قانون کے مطابق حکم نامہ جاری کرے گی،

واضح رہے کہ رمضان شوگر ملز کیس میں شہبازشریف اور حمزہ شہباز پر فرد جرم عائد کر دی گئی ،شہبازشریف اور حمزہ شہباز نے صحت جرم سے انکار کر دیا

جواب چھوڑیں

آپ کا ای میل ایڈریس شائع نہیں کیا جائے گا.