fbpx

ہانیہ عامر کے ساتھ وائرل ویڈیو پر عاشر وجاہت کا وضاحتی بیان

معروف اداکارہ ہانیہ عامر کے ساتھ ویڈیو وائرل ویڈیو پر گلوکار و اداکار عاشر وجاہت کا ردّعمل سامنے آگیا ہے۔

باغی ٹی وی : عاشر وجاہت نے اپنے سماجی رابطے کی ویب سائٹ ٹوئٹر پر اپنے پیغام میں لکھا کہ ہم بحیثیت قوم لاکھوں بے گناہ فلسطینیوں کے قتل سمیت دُنیا کے دیگر بہت سے معاملات کے مقابلے میں ایک بھائی اور بہن کو اپنے کمرے میں تفریح کرنے پر زیادہ توجہ دے رہے ہیں۔


اُنہوں نے سوالیہ انداز میں لکھا کہ ہم لوگوں کے فیصلے سے آزاد اپنی زندگی کب گُزاریں گے؟

عاشر وجاہت نے مزید لکھا کہ کتنا پریشان کُن دن ہے۔

واضح رہے کہ حال ہی میں ہانیہ عامر نے گلوکار و اداکار عاشر وجاہت کے ساتھ ایک ویڈیو شیئر کی تھی جس پر سوشل میڈیا پر سخت ردعمل کا اظہار کیا جارہا ہے۔

ہانیہ عامر نے یہ ویڈیو شیئر کرتے ہوئے کہا تھا کہ اپنے بھائی کو ایسے سنبھالا جاتا ہے کہ جب وہ 101 بخار میں تپ رہا ہو۔

اس ویڈیو کے وائرل ہونے کے بعد سے ٹوئٹر پر ہانیہ عامر کا نام کل سے سرفہرست ٹرینڈز میں شامل ہے، اس ٹرینڈ کا استعمال کرتے ہوئے صارفین جہاں ہانیہ عامر کا مذاق اڑا رہے ہیں وہیں ان کی جانب سے ایسی ویڈیوز سوشل میڈیا پر شیئر کرنے پر تنقید بھی کررہے ہیں۔

الحمداللّہ، بال بال بچ گیا، ہانیہ کی وائرل ویڈٰیو کے بعد عاصم اظہر کا رد عمل

جواب چھوڑیں

آپ کا ای میل ایڈریس شائع نہیں کیا جائے گا.