ہالی وڈ ایکشن تھرلر فلم ’ٹینیٹ‘ ریلیز

0
51

ہالی وڈ پروڈکشن ہاؤس وارنرز بردارز نے اپنی ایکشن تھرلر فلم ’ٹینیٹ‘ ریلیز کردی۔

باغی ٹی وی : وارنر برادرز نے اعلان کیا تھا کہ فلم کو 26 اگست کو یورپی ممالک بیلجیئم، کروشیا، بلغاریہ، ڈینمارک، اسٹونیا، فن لینڈ، فرانس، ہالینڈ، ہنگری، آئس لینڈ، اٹلی، لتھوانیا، سوئیڈن، سوئٹزرلینڈ، سربیا، برطانیہ، مصر، انڈونیشیا، ترکی اور جنوبی کوریا میں ریلیز کیا جائے گا جنوبی کوریا مین فلم ریلیز کر دی گئی ہے تاہم دیگر ممالک کے حوالے سے تاحال کوئی رپورٹ سامنے نہیں آئی۔

خبر رساں ادارے رائٹرز کے مطابق ہدایتکار کرسٹوفر نولان کی فلم ’ٹینیٹ‘ نے ریلیز کے ابتدائی دو دن میں کورونا کے باوجود اچھی کمائی کی اور کئی ماہ کے بعد وسیع حفاظتی اقدامات کے ساتھ سینما کھلنے کے بعد لوگوں نے خوشی خوشی سینما ہاؤسز کا رخ کیا۔

مارچ میں کورونا وائرس پھیلنے کے بعد دنیا بھر میں تھیٹر بند ہونے کے بعد ٹینیٹ ہالی وڈ کے ایک بڑے اسٹوڈیو کی تھیٹر میں پیش کی جانے والی پہلی بڑی بجٹ والی فلم ہے۔

’ٹینیٹ‘ کو پروڈیوس کرنے والے پروڈکشن ہاؤس وارنر برادرز کے مطابق آنے والے کچھ دنوں میں ’ٹینیٹ‘ کو مزید 70 کے قریب ممالک میں ریلیز کیا جائے گا۔

’ٹینیٹ‘ نے جہاں وبا کے باوجود اچھی کمائی کی، وہیں متعدد شوبز ویب سائٹس کی جانب سے فلم کو 87 فیصد ریٹنگ بھی ملی۔

شوبز ویب سائٹ ورائٹی نے فلم کی ریلیز کے حوالے سے اپنی رپورٹ مین بتایا کہ فلم نے سب سے اچھی کمائی جنوبی کوریا میں کی، جہاں فلم نے پہلے ہی دن ساڑھے تین لاکھ ڈالر جب کہ دوسرے دن ساڑھے چار لاکھ ڈالر تک کمائے۔

اسی طرح ’ٹینیٹ‘ کی ریلیز کے بعد جنوبی کوریا کے سینما ہاؤسز میں لوگوں کا رش دیکھا جا رہا ہے اور سب سے زیادہ رش دارالحکومت سیول کے سینما ہالز میں ہے۔

ایمزون پرائم ویڈیو کی پاکستانی اداکار حسن خان کے ساتھ سوشانت سنگھ پر فلم بنانے کی…

عالمگیر وبا کورونا وائرس کے باعث احد رضا میر کا تھیٹر پلے موخر

Leave a reply