ہالی وڈ فلم بیٹ مین کے ہیرو کورونا وائرس کا شکار، فلم کی شوٹنگ ایک بار پھر ملتوی

ہالی وڈ مشہور و مقبول فلم’دی بیٹ مین‘ کے ہیرو برطانوی اداکار روبرٹ پیٹنسن کورونا وائرس کا شکار ہوگئے-

باغی ٹی وی :تفصیلات کے مطابق وارنر بروس اسٹوڈیو کی جانب سے جاری بیان میں کہا گیا ہے کہ برطانیہ میں بیٹ مین پروڈکشن کے ایک ممبر میں کورونا وائرس کی تصدیق ہوئی ہے جس کی وجہ سے فلم کی شوٹنگ کو عارضی طور پر معطل کردیا گیا ہے۔ تاہم وارنر بروس اسٹوڈیو نے کورونا کا شکار ہونے والے شخص کا نام نہیں بتایا اور نہ ہی یہ بتایا کہ شوٹنگ کتنے عرصے کے لیے ملتوی کی جارہی ہے۔

دوسری جانب ہالی وڈ رپورٹر سمیت دیگر خبررساں اداروں کے مطابق جس شخص میں کورونا وائرس کی تصدیق ہوئی ہے وہ کوئی اور نہیں بلکہ فلم ’بیٹ مین‘ کے ہیرو روبرٹ پیٹنسن ہیں۔

وارنر بروس پروڈکشن ہاؤس اور روبرٹ پیٹنسن کے نمائندوں سے جب اس بارے میں پوچھا گیا تو ان کی جانب سے اس حوالے سے کوئی بات نہیں کی گئی اور نہ ہی یہ واضح ہوسکا ہے کہ روبرٹ پیٹنسن میں کس حد تک کورونا وائرس کی علامات ظاہر ہوئی ہیں۔

واضح رہے کہ دنیا بھر میں پھیلی عالمگیر کورونا وبا کے باعث مارچ کے وسط میں شوبز سرگرمیوں پر پابندیوں کے باعث ملتوی کی گئی فلم ’دی بیٹ مین‘ کی شوٹنگ تین روز قبل ہی شمالی لندن میں دوبارہ شروع ہوئی تھی۔ اس فلم کی ابھی تین ماہ کی شوٹنگ باقی رہتی تھی۔ فلم ابتدائی طور پر جون 2021 میں ریلیز ہونی تھی چونکہ کورونا کی وجہ سے فلم مکمل نہیں ہو سکی لہذا اس کی ریلیز کی تاریخ آئندہ سال اکتوبر 2021 تک بڑھادی گئی تھی-

سعودی عرب میں مزید 20 سینما گھروں کے قیام کا فیصلہ

ہالی وڈ بلاک بسٹر فلم بلیک پینتھر کے اداکار چیڈوک بوسمین کی موت کا منفرد ریکارڈ

Comments are closed.