رواں ماہ ہا لی وڈ فلموں اور ٹی وی شوز کی پروڈکشن شروع ہونے کے امکانات

کورونا وائرس کی وجہ سے تمام قسم کی شوبز سرگرمیاں رُک گئیں تھیں تاہم اب ہا لی وڈ فلموں اور ٹی وی شوز کی پروڈکشن دوبارہ شروع ہونے کے امکانات ہیں-

باغی ٹی وی : دنیا بھر میں پھیلی عالمی وبا کورونا وائرس کی وجہ سے دنیا بھرمیں لاک ڈاؤن نافذ کر دیا گیا تھا جہاں کاروباری مذہبی تعلیمی ثقافتی اور اجتماعی سرگرمیوں پر پابندی عائد کر دی گئی تھی وہیں فلم انڈسٹری کی بھی تمام سرگرمیاں رُک گئی تھیں سینما ہالز اور فیشن شوز وغیرہ بھی بند ہو گئے تھے تاہم میڈیا رپورٹس کے مطابق اب کیلی فورنیا میں ہالی وڈ فلموں اور ٹی وی شوز کی پروڈکشن دوبارہ شروع ہونے کے امکانات ہونے کے امکانات نظر آ رہے ہیں۔

اس حوالے سے کیلی فورنیا کے گورنر گیون نیوسم کا کہنا ہے کہ 12 جون سے پہلے مرحلے میں ان کاؤنٹیز کو دوبارہ پروڈکشن کی اجازت مل جائے گی جہاں کورونا وائرس سے پیدا ہونے والی صورت حال میں بہتری آ چکی ہے۔

کیلیفورنیا کے پبلک ہیلتھ آفس نے بتایا کہ مقامی صحت کے افسران کی منظوری سے ہی فلموں اور ٹی وی شوز کی پروڈکشن دوبارہ کھولنے کی اجازت دی جائے گی۔انہوں نے کہا کہ کورونا کے خطرے کو کم کرنے کے لئے پروڈکشن ، کاسٹ اور عملہ کو لیبر اینڈ مینجمنٹ کے ذریعے طے شدہ حفاظتی پروٹوکول کی پابندی کرنی ہوگی جس میں کاؤنٹی پبلک ہیلتھ افسران کی جانب سے مزید اضافہ کیا جاسکتا ہے۔

تاہم یہ واضح نہیں کیا گیا کہ ہا لی وڈ کے بڑے اسٹوڈیوز اگلے ہفتے سے دوبارہ کام شروع کرسکیں گے یا نہیں کیونکہ کیلیفورنیا میں لاس اینجلس کاؤنٹی کورونا وائرس اہم مرکز ہے۔

یاد رہے کہ اب تک کیلیفورنیا میں 125،000 سے زیادہ کرونا کیسز اور 4،500 اموات کی تصدیق ہوچکی ہے۔

پا کستان کا کورونا فری ہونے والے ملک نیوزی لینڈ سے موازنہ نہ کریں ہارون شاہد

موجودہ صورتحال میں دنیا کو جیسنڈا جیسے لیڈرز کی ضرورت ہے علی ظفر

Leave a reply