گوجرہ: باغی ٹی وی کی 13ویں سالگرہ پر عبدالرحمن جٹ کو اعزاز

گوجرہ (نامہ نگارباغی ٹی وی): باغی ٹی وی کی 13ویں سالگرہ، عبدالرحمن جٹ کو بہترین صحافت پر سرٹیفکیٹ سے نوازا گیا

باغی ٹی وی کی 13ویں سالگرہ کے موقع پر گوجرہ سے تعلق رکھنے والے نمائندہ باغی ٹی وی، عبدالرحمن جٹ کو بہترین صحافت پر سرٹیفکیٹ سے نوازا گیا۔ عبدالرحمن جٹ نے اس اعزاز پر باغی ٹی وی کے سی ای او مبشر لقمان، انچارج نمائندگان ڈاکٹر غلام مصطفیٰ بڈانی اور ایڈیٹر ممتاز حیدر اعوان کا تہہ دل سے شکریہ ادا کیا۔

عبدالرحمن جٹ نے اس موقع پر کہا کہ یہ ان کے لیے ایک بڑا اعزاز ہے کہ انہیں باغی ٹی وی کی جانب سے ان کی خدمات کے اعتراف میں یہ سرٹیفکیٹ دیا گیا۔ انہوں نے دعا کی کہ اللّٰہ تعالیٰ باغی ٹی وی اور اس کی پوری ٹیم کو مزید کامیابیاں عطا فرمائے۔

تقریب میں عبدالرحمن جٹ نے اپنے صدر پریس کلب سے کارڈ وصول کرتے ہوئے باغی ٹی وی کی کامیابیوں کو سراہا اور اس ادارے کی عوامی مسائل اجاگر کرنے کی کاوشوں کی تعریف کی۔ انہوں نے باغی ٹی وی کی ٹیم کو سالگرہ کی مبارکباد دیتے ہوئے اس ادارے کے روشن مستقبل کے لیے نیک تمناؤں کا اظہار کیا۔

Comments are closed.