fbpx

ہسپتال میں آکسیجن نہ ملنے سے 25 کرونا مریضوں کی موت،کئی کی جانیں خطرے میں

ہسپتال میں آکسیجن نہ ملنے سے 25 کرونا مریضوں کی موت،کئی کی جانیں خطرے میں
باغی ٹی وی کی رپورٹ کے مطابق کرونا کی تیسری لہر نے بھارت میں تباہی مچا دی ہے، کرونا کے لاکھوں مریض روزانہ سامنے آ رہے ہیں

بھارت میں آکسیجن سلنڈر کی کمی ہو چکی ہے، ہسپتال کرونا مریضوں سے بھر چکے ہیں، سڑکوں، گلی محلوں میں کرونا مریض لیٹے دکھائی دیتے ہیں کوئی پوچھنے والا نہیں ، ایسے میں دہلی کے گنگا رام ہسپتال سے خبر آئی ہے کہ ہسپتال کے اندر آکسیجن کی کمی کی وجہ سے 25 اموات ہوئی ہیں، اگر آکسیجن نہ ملی تو مزید 60 افراد کی جنانوں کو خطرہ ہے جو ہسپتال میں داخل ہیں

دہلی کے ایک اور میکس اسپتال کی جانب سے بھی کہا گیا ہے کہ ہسپتال میں آکسیجن کی بھاری قلت ہے۔ میکس سمارٹ اسپتال، میکس اسپتال ساکیت میں کچھ گھنٹوں کی آکسیجن باقی ہے، لہذا فوری آکسیجن درکار ہے۔ آکسیجن نہ ملی تو کئی جانوں کو خطرہ ہے

دہلی کے کئی اسپتالوں میں کئی دنوں سے آکسیجن کا بحران چل رہا ہے۔ دہلی حکومت نے مرکزی حکومت سے امید لگائی ہے اور مرکزی حکومت کی جانب سے دہلی کے لئے کوٹہ بھی بڑھایا گیا ہے لیکن کرونا مریضوں کے بڑھنے کی وجہ سے حالات خراب ہو رہے ہیں کیونکہ آکسیجن کی سپلائی میں بھی وقت لگتا ہے،دہلی کے کچھ اسپتالوں نے آکسیجن کی سپلائی کا مطالبہ لے کر ہائی کورٹ سے بھی رجوع کر رکھا ہے

جواب چھوڑیں

آپ کا ای میل ایڈریس شائع نہیں کیا جائے گا.