fbpx

پیٹرول کی قیمت میں کتنا اضافہ ؟ شہباز گل نے آج سچ سچ بتا ہی دیا

لاہور:پیٹرول کی قیمت میں کتنا اضافہ کیا گیا ہے؟ شہباز گل نے آج سچ سچ بتا ہی دیا ،اطلاعات کے مطابق ملک میں ایک بارپھرپٹرولیم مصنوعات کی قیمتوں میں اضافہ کردیا گیا ہے ،

 

 

ادھر اسی حوالے سے معاون خصوصی برائے سیاسی روابط شہباز گل کا کہنا ہے کہ پیٹرول کی قیمت میں ایک روپے 71 پیسے کا اضافہ کیا جارہا ہے، ڈیزل کی قیمتوں میں کسی قسم کا اضافہ نہیں کیا جارہا ہے۔

 

پٹرولیم مصنوعات کے حوالے سے ڈاکٹرشہباز گل کا کہنا ہے کہ ڈیٹا کے مطابق 27 ممالک میں پیٹرول کی قیمت پاکستان سے کم ہے اور 140 ممالک میں پیٹرول کی قیمت پاکستان سے زیادہ ہے، دنیا میں پیٹرول کی اوسط قیمت 1.19 ڈالر فی لیٹر ہے، پاکستان میں پیٹرول کی قیمت 0.72 ڈالر فی لیٹر ہے۔

وزیراعظم کے معاون خصوصی ڈاکٹرشہبازگل نے کہا کہ ڈیزل کی قیمتوں میں اضافے کی سمری مسترد کردی گئی ہے، ڈیزل کی قیمتوں میں اضافے سے عام آدمی متاثر ہوتا ہے۔

 

شہباز گل نے ٹویٹ کیا کہ دنیا میں پیٹرولیم مصنوعات میں اضافہ 47 فیصد اور پاکستان میں 11 فیصد ہوا۔

معاون خصوصی نے کہا کہ کورونا کی وجہ سے پوری دنیا مہنگائی کی زد میں ہے، حکومت پیٹرولیم مصنوعات پر تقریباً صفر کے قریب ٹیکس وصول کررہی ہے۔