عمدہ اور لذیذ پران منچورین بنانے کا طریقہ

پران منچورین
اجزاء:
جھینگے آدھا کلو
لہسن پیسٹ آدھا کھانے کا چمچ
نمک حسب ذائقہ
چینی آدھا چائے کا چمچ
سویاسوس دوکھانے کے چمچ
سرکہ ایک کھانے کا چمچ
سفید مرچ پسی آدھا کھانے کا چمچ
ثابت لا مرچ دو سے تین عدد
چائینیز نمک آدھا چائے کا چمچ
ٹماٹو پیسٹ آدھی پیالی
ٹماٹو کیچپ دو کھانے کے چمچ
ہری پیاز ایک کھانے کا چمچ
گاجر ایک کھانے کا چمچ
شملہ۔مرچ ایک کھانے اک چمچ
ڈالڈا آئل دو کھانے کے چمچ
ترکیب:شملہ گاجر ہری پیاز کو دھو کر دی گئی مقدار کے مطابق باریک کاٹ لیں جھینگوں کو صاف کر کے اچھی طرح دھو کر برتن میں ڈال کر ساتھ ہی نمک سفید مرچ چینی چائینیز نمک سرکہ اور سویا سوس ڈال کرہلکے ہاتھ سے مکس کر لیں تاکہ جھنگے ٹوٹنے نہ پائیں اور آدھے گھنٹے کے لیے فریج میں رکھ دیں پین میں تیل۔ڈال کر گرم کریں اور اس میں لہسن ڈال کر فرائی کریں پھر جھینگے ڈال کر آنچ تیز کر دیں تین سے چار منٹ فرائی کرنے کے بعد نکال لیں اب اسی پین میں ٹماٹو پیسٹ لال مرچیں ٹماٹو کیچپ اور آدھی پیالی پانی ڈال کر اتنی دیر پکائیں کہ ساس گاڑھا ہوجائے تو اس میں فرائی کیے ہوئے جھینگے ڈال دیں جب ابال آجائے تو ڈش میں نکال لیں اوپر گاجر شملہ مرچ اور ہری پیاز چھڑک کر ویجیٹیبل رائس کے ساتھ سرو کریں یہ ڈش جھینگوں کے علاوہ ایک عدد مچھلی کے قتلے لی بھی بنائی جا سکتی ہے اسی ترکیب سے