ہرتک روشن کی فلم "سپر 30” سے ٹیکس ہٹا دیا گیا

ممبئی: ہرتک روشن کی فلم "سپر 30” سے ٹیکس ہٹانے کا اعلان کر دیا گیا ہے. بھارت میں بہاڑ, دہلی, راجھستان اور اتر پردیش میں فلم پر ٹیکس ہٹایا گیا ہے.

آنند کمار نے سماجی رابطوں کی ویبسائٹ ٹویٹر پر مہارشترا گورمنٹ کا شکریہ ادا کیا ہے. انہوں نے کہا کہ مہارشترہ کے چیف منسٹر نے ملاقات کے دوران فلم کی تعریف کی اور میرے لیے یہ بہت خوشی کی بات ہے. اور چیف منسٹر نے فلم پر ٹیکس ہٹا کر اچھا کام کیا ہے جس کا میں اپنے دل کی گہرائیوں سے شکر گزار ہوں.

ہرتک روشن نے بھی جو فلم میں آنند کا کردار ادا کر رہے ہیں چیف منسٹر دیویندرا کا شکریہ ادا کیا. ہرتک روشن نے اپنے ٹویٹ میں کہا کہ میں چیف منسٹر کا شکریہ ادا کرتا ہوں جنہوں نے نہ صرف فلم کو پسند کیا بلکہ فلم سے ٹیکس بھی ختم کر دیا. اس قدم نے مجھے بہت خوشی دی ہے اور اتنا احترام دینے پر فخر محسوس کر رہا ہوں.

واضح رہے وکاس باہل کی فلم "سپر 30” 12 جولائی کو ریلیز کی گئی تھی.