ہرتھیک روشن بھی ماہرہ خان کے مداحوں میں شامل ہو گئے

دنیا بھرمیں کروڑوں مداح رکھنے والے بالی وڈ سپراسٹار ہرتھیک روشن پاکستانی اداکارہ ماہرہ خان کے مداحوں میں شامل ہو گئے-

باغی ٹی وی : موجودہ دورمیں کسی بھی فنکارکی مقبولیت اس کے سوشل میڈیا فالوورز کے ذریعے لگایا جاتا ہے جس اسٹارکے سوشل میڈیا پر جتنے فالوورز ہوں گے وہ اتنا ہی مقبول ہوگا۔ تاہم لاکھوں ، کروڑوں کی تعداد میں فالوورز رکھنے والے یہ اسٹارز خود کسی کو فالو نہیں کرتے یا پھران چند لوگوں کو فالو کرتے ہیں جنہیں وہ پسند کرتے ہیں یا پھر جن کے مداح ہوتے ہیں۔

بالی وڈ اداکارہرتھیک روشن کے انسٹاگرام پرمداحوں کی تعداد 32.2 ملین یعنی تین کروڑ 22 لاکھ ہے لیکن انہوں نے خود صرف 170 لوگوں کو فالو کیا ہوا ہے اوراس لسٹ میں ماہرہ خان بھی شامل ہیں یعنی ہرتھیک روشن ماہرہ خان کے مداحوں میں شامل ہیں اور انہیں انسٹاگرام پر فالو کرتے ہیں-

اداکارہ ماہرہ خان کا شماربھی پاکستان کی ان چند اداکاراؤں میں ہوتا ہے جن کے انسٹاگرام پر سب سے زیادہ فالوورز ہیں۔ انہیں 6.6 ملین یعنی 66 لاکھ لوگ انسٹاگرام پر فالو کرتے ہیں اور وہ پاکستان میں سب سے زیادہ فالو کی جانے والی اداکاراؤں میں تیسرے نمبر پر ہیں۔

واضح رہے جب سے ماہرہ خان نے بالی ووڈ کنگ شاہ رخ خان کے ساتھ فلم’رئیس‘ میں بطور ہیروئن کام کیا ہے پاکستان کے ساتھ ساتھ سرحد بھارت میں بھی کافی پسند کیا جاتا ہے جن میں عوام کے ساتھ بالی وڈ شخصیات بھی شامل ہیں-

11 سالہ پاکستانی آرٹسٹ شاہ‌ خان کی ترک فنکار جاوید جیتن گنیر سے ملاقات