شہدائے کربلا کو سلام، یوم عاشور پر ہم اہل کشمیر کی کامیابی کیلئے دعا گو ہیں، فہمیدہ مرزا

وفاقی وزیر برائے بین الصوبائی رابطہ فہمیدہ مرزا نے کہا ہے کہ یوم عاشور کے موقع پر ہم شہدائے کربلا کو سلام پیش کرتے ہیں اور اس موقع پر مظلوم کشمیری عوام کی بھارت کیخلاف تحریک آزادی کی کامیابی کیلئے دعا گو ہیں،

باغی ٹی وی کی رپورٹ کے مطابق یوم عاشور کے موقع پر جاری کردہ اپنے پیغام میں انہوں نے کہاکہ واقعہ کربلا کا درس ہے کہ مسلمان ظالم کے سامنے کبھی نہیں جھک سکتا، حضرت حسین رضی اللہ عنہ کی قربانی رہتی دنیا تک قائم رہے گی، حضرت حسین رضی اللہ عنہ کے لشکر نے سر جھکانے کے بجائے اپنی زندگیوں کا نذرانہ پیش کیا،

انہوں نے کہاکہ کربلا کا عظیم معرکے کا یہ سبق ہے کہ اسلام کی سر بلندی کیلئے کسی بھی قربانی سے دریغ نہیں کیا جاسکتا، حقیقت یہ ہے کہ کشمیری عوام آج بھی نریندر مودی کے ظلم کے خلاف سنت حسین زندہ کیے ہوئے ہیں،

جواب چھوڑیں

آپ کا ای میل ایڈریس شائع نہیں کیا جائے گا.