fbpx

ہمارا نفس اور ہم تحریر: ارسلان فلک

جس نے اپنے نفس پہ قابو پا لیا گویا وہ دنیا کا بہادر ترین انسان ہے لیکن اپنے سرکش نفس پہ قابو پانا آسان کام نہیں ہے۔

حضرت محمد صلی اللہ علیہ وسلم کا فرمانِ ہے کہ ”تم میں سے بہتر مجاہد وہ ہے جو اپنے نفس کے خلاف جہاد کرسکے”

جہاد کے معنی جدوجہد کے ہیں اللّٰہ سبحان تعالیٰ کے راہ میں پر امن کوششوں اور جنگ کرنے کو جہاد کہتے ہیں۔اپنے نفس کے خلاف عمل کرنے کو بھی جہاد کہتے ہیں۔

جہاد کی دو اقسام ہیں کہ جہادِ اصغر اور ایک جہادِ اکبر ہے۔
صحابہ اکرم رضوان اللہ علیہم اجمین جب کفار کے ساتھ جہاد کرکے واپس آتے تو کہتے تھے:
”ہم جہادِ اصغر سے جہادِ اکبر کی طرف لوٹ آئے ہیں۔“
اور صحابہ نے نفس، شیطان اور خواہشات سے جہاد کو اس لیے اکبر اور عظیم جہاد کہا کہ نفس سے جہاد ہمیشہ جاری رہتا ہے اور کفار کے ساتھ جہاد کبھی کبھی ہوتا ہے۔
دوسری وجہ یہ ہے کہ مجاہد اپنے دشمن کو سامنے دیکھتا رہتا ہے مگر شیطان نظر نہیں آتا اور دکھائی دینے والے دشمن سے لڑائی آسان ہوتی ہے چھپ کر حملہ کرنے والے دشمن سے۔

نفس کے خلاف جہاد جہاد اکبر ہے۔اور تمہاری بادشاہی اس دن حقیقی ہوگی جس دن تم اپنے نفس کی غلامی سے آزاد ہو جاو گے۔لہذا پہلا جہاد اپنے نفس کے خلاف ہے۔

امام غزالیؒ آگے مزید حضرت علی ؓ کا ایک قول بیان کرتے ہیں جس میں شیرِ خدا کہتے ہیں کہ
”میں اپنے نفس کے ساتھ بکریوں کے ریوڑ پر ایسے نوجوان کی طرح ہوں کہ جب وہ ایک طرف سے انہیں جمع کرتا ہے تو وہ دوسری طرف نکل جاتی ہیں۔“

حضرت علی علیہ السلام نے فرمایا:
خدارا، خدارا!! نفس کے خلاف جہاد کرنا، کیونکہ تمہارے لیے سب سے بڑا دشمن یہی نفس ہے۔

یہاں نفس سے مراد صرف ذاتِ انسان نہیں دل کی خواہشات اور خواہشاتِ نفسانی کا بھڑکتا سمندر ہے جو انسان کو اپنے حساب سے چلاتا ہے اور دینی تعلیمات بُھلا دیتا ہے۔ اپنے جذبات و نفسانی خواہشات کو قابو کرنا ہی اصل جہاد ہے۔
نفس کے خلاف جنگ میں ‘سکونِ قلب’ ہی
اصل مالِ غنیمت ہے۔

اب اگر ہم جدید میڈیکل سائنس اور نفسیات کی تحقیقات کا مطالعہ بھی کریں تو یہ بات سامنے آتی ہے کہ بہت ساری بیماریاں زیادہ کھانے اور زیادہ نیند سے سامنے آتی ہیں۔

ہم اگر اپنے نفس کے خلاف جہاد کرنا شروع کر دیں تو دین اور دنیا کی تمام تر دولتیں حاصل کر سکتے ہیں۔

کسی نے کیا خوب کہا ہے:
نفس کے خلاف جہاد کیے بغیر
الله سے وفاداری ممکن ہی نہیں ہے

 

                        

Arslan Falak

Arslan Falak is a Freelancer, Columnist. He is associated with many leading digital media sites in      Pakistan To find out more about him visit his twitter @afcknr