fbpx

ہم وزیراعظم اور وزیراعلی کا استعفی لینے نکلے تھے، اپنے استعفوں کی بات شروع ہوگئی،بلاول

باغی ٹی وی کی رپورٹ کے مطابق چیئرمین پیپلزپارٹی بلاول بھٹو سے ملتان میں صحافیوں کی ملاقات ہوئی ہے

اس موقع پر بلاول زرداری کا کہنا تھا کہ لوگ پیپلز پارٹی میں شمولیت اختیار کرنا چاہتے ہیں،ہماری تیاری لانگ مارچ کے لیے ہے جیسے ہی اپوزیشن تیار ہوئی تحریک عدم اعتماد لے آئیں گے الیکٹرانک ووٹنگ مشین متنازعہ معاملہ ہے الیکٹرانک ووٹنگ مشین کا معاملہ بات چیت سے حل ہو گا،لوڈ شیڈنگ کے ماحول میں الیکٹرانک ووٹنگ کی بات ہو رہی ہے،شہباز شریف کا بیان آتا ہے، پیچھے سے آواز آتی ہے یہ ان کا ذاتی بیان ہے ہم وزیراعظم اور وزیراعلی کا استعفی لینے نکلے تھے، اپنے استعفوں کی بات شروع ہوگئی،

قبل ازیں چیئرمین پی پی پی بلاول بھٹو زرداری سے پیپلزسیکریٹریٹ میں ملاقات کے بعد میلسی سے تعلق رکھنے والے عمران ممتاز بھابہ نے پاکستان پیپلزپارٹی میں شمولیت کا اعلان کردیآ

دوسری جانب محمد تنویر کی رپورٹ کے مطابق بلاول بھٹو زرداری آج دورہ کہروڑپکا کریں گے، تمام انتظامات مکمل 600 سے زائد افراد سیکورٹی کے فرائض سر انجام دیں گے، بڑے بڑے پینافلکس، ہولڈنگ، جھنڈوں سے شہر کو سجادیا گیا بھر پور استقبال کیا جائے گا، 4 ایکڑ پر مشتمل پنڈال، ایک ایکڑ پر سٹیج، 6 ایکڑ کی پارکنگ، 5 ہزار کرسیاں لگائی جائیں گئیں، ضلعی پیپلز سیکٹریٹ کا افتتاح بھی بلاول بھٹو زرداری کریں گے تفصیل کے مطابق 7 ستمبر 6 بجے شام کو پاکستان پیپلز پارٹی کے چیرمین بلاول بھٹو زرداری ضلعی صدر امداد اللہ عباسی کی دعوت پر ورکرز کنونشن سے خطاب کریں گے دورہ کے موقعہ پر سیکورٹی کے انتہائی سخت انتظامات کئے گئے ہیں جن میں پنجاب پولیس کے دو سو جوان وآفیسر کے علاوہ بلاول بھٹو زرداری کے 4 سو سے زائد ذاتی سیکورٹی گارڈ پنڈال سمیت تمام اندرونی سیکورٹی کے فرائض سر انجام دیں گے

کل شام سے ہی سیکورٹی نے جلسہ گاہ سمیت دیگر مقامات پر سیکورٹی کے انتظامات سنبھال لیے ہیں 4 ایکڑ پر مشتمل پنڈال، 5 ہزار کرسیاں، 1 ایکڑ پر سٹیج، 6 ایکڑ پر پارکنگ بنائ گئی ہے بلاول بھٹو زرداری کا شاندار تاریخی استقبال کیا جائے گا شہر میں داخلہ کے راستوں کو خوبصورت ہولڈنگز، پینافلکس اور پارٹی کے جھنڈوں سے سجادیا گیا ہے بلاول بھٹو زرداری کے ہمراہ سابق وزیر اعظم سید یوسف رضا گیلانی، سابق گورنر مخدوم احمد محمود، سابق وزیر اعلی دوست محمد کھوسہ ودیگر رہنما تشریف لائیں گے پیپلز پارٹی کے ضلعی صدر امداد اللہ عباسی کے مطابق اس موقعہ پر علاقہ کی قد آور شخصیات پیپلز پارٹی میں شمولیت کا باقائدہ اعلان بھی کریں گئیں امداد اللہ عباسی سینکڑوں کارکنوں کے ہمراہ چیرمین بلاول بھٹو زرداری کا تاریخی استقبال کریں گے بلاول بھٹو زرداری ضلعی پیپلز سیکٹریٹ، وآفس امداللہ عباسی کا افتتاح بھی کریں گے بلاول بھٹو زرداری کے مختصر قیام کے لیے بھی کمرے کی زیب وارائش مکمل کرلی گئی ہے