ہمایوں سعید نرم مزاج اور عاجزی والے اداکار ہیں دانش نواز

شوبز انڈسٹری کے نامور اداکارو ہدایت کار دانش نواز کا کہنا ہے کہ اس وقت پاکستان کے سب سے بڑے سپر اسٹارہمایوں سعید ہیں، وہ بہت نرم مزاج اور عاجزی والے اداکار ہیں میں بڑا ہوکر ہمایوں سعید بننا چاہتا ہوں-

باغی ٹی وی :اداکار دانش نواز نے اپنے ایک انٹرویو میں بتایا کہ اس وقت ملک کے سب سے بڑے سپر اسٹارہمایوں سعید ہیں، وہ بہت نرم مزاج اور عاجزی والے اداکار ہیں، میں خود بھی بڑا ہوکر ہمایوں سعید بننا چاہتا ہوں۔

انہوں نے کہا کہ سارے جوشیلے اداکار ٹھنڈےنکلتے ہیں وہ بڑے جوش سے انڈسٹری میں آتے ہیں اسکرپٹ مانگتے ہیں سارے لوازمات لیتے ہیں لیکن اداکاری نہیں کرتے جس کے اُنہیں پیسے دیئے جاتے ہیں۔

دانش نواز نے کہا کہ ایک انسان کے کئی روپ ہوتے ہیں وہ بیک وقت اپنے والدین، خاندان اور دوستوں میں الگ الگ شخصیت کا حامل ہوتا ہے۔ اُن کا کہنا ہے کہ میں نے اب تک اداکاری کی ہی نہیں ہے، صرف دوستوں کے درمیان اپنے مذاق ٹی وی پر لایا ہوں۔

انہوں نے کہا کہ میں لوگوں کو سب تفریح فراہم کرتا ہوں اور اچھا اداکار وہی ہوتا ہے جو کردار نبھاتے ہوئے اداکار نہ لگے بلکہ اصل میں وہی کردار لگے دانش نواز نے کہا کہ جذباتی پن میری سب سے بڑی کمزوری ہے مجھے لوگوں کی باتیں جلدی بری لگ جاتی ہیں۔

دانش نوازنے مزید کہا کہ میرا دل کرتا ہے کہ سنجیدہ اداکاری کروں لیکن ایسی اداکاری نہیں کرنی جیسی آج کل کی جاتی ہے میرا ماننا ہے کہ سنجیدہ اداکاری عام سے تاثرات کے ساتھ بھی کی جاسکتی ہےجس طرح ماضی کے اداکارکیا کرتے تھے۔

انہوں نے بتایا کہ وہ جلد ہی ایک فلم کی ہدایت کاری شروع کرنے والے ہیں لیکن اُس فلم میں وہ زیادہ سنجیدہ نہیں ہیں کیونکہ وہ ایک ایسی فلم نہیں بنانا چاہتے جس میں صرف کامیڈی ہو، لوگ اُسے دیکھ کر ہنسیں اور بھول جائیں، وہ چاہتے ہیں کہ جب اُن کی فلم سینما گھروں میں لگے تو لوگ اُس میں کھوئے رہیں، فلم کے کرداروں سے متعلق بات کریں اور اُن میں اس فلم کے کردار بننے کی چاہت پیدا ہو۔

ایک سوال کا جواب دیتے ہوئے دانش نواز نے کہا کہ ڈراموں یا فلم میں ذومعنی ڈائیلاگ نہیں ہونے چاہئیں میں خود ان چیزوں سے کتراتا ہوں کیونکہ ایسا کرتے وقت مجھے میرے بچوں کا خیال آجاتا ہے۔

اپنے انٹرویو کے آخر میں انہوں نے وزیر اعظم عمران خان کو ایک مشورہ دیتے ہوئے کہا کہ وہ کسی کی نہیں سنیں اور جو کرتے ہیں وہی کرتے رہیں۔

جواب چھوڑیں

آپ کا ای میل ایڈریس شائع نہیں کیا جائے گا.