fbpx

ہم معیشت بہتر کرکے مسلم امہ کی قیادت حاصل کرسکتے ہیں،صدر مملکت

باغی ٹی وی کی رپورٹ کے مطابق پاکستان بھر میں یوم آزادی جوش و جذبے کے ساتھ منایا جا رہا ہے

یوم آزادی کی مرکزی تقریب وفاقی دارالحکومت اسلام آباد میں ایوان صدر میں منعقد ہوئی، صدر پاکستان ڈاکٹرعارف علوی نے پرچم کشائی کی اور تقریب سے خطاب کیا۔ ایوان صدر میں جشن آزادی کی تقریب کے آغاز میں سائرن بجایا گیا، صدر عارف علوی نے سبز ہلالی پرچم لہرایا۔ چیئرمین سینیٹ صادق سنجرانی، سپیکر قومی اسمبلی اسد قیصر، ڈپٹی سپیکر قاسم سوری، وزیر خارجہ شاہ محمود قریشی، وزیر اطلاعات شبلی فراز سمیت وفاقی وزراء اور معاونین خصوصی بھی تقریب میں شریک ہوئے

صدر مملکت عارف علوی کا کہنا تھا کہ پاکستان نے بھارت کی جارحیت کے جواب میں امن کا پیغام دیا، پاکستان کشمیریوں کی اخلاقی ،سیاسی اور سفارتی حمایت جاری رکھے گا، سی پیک سےخطے میں ترقی اورخوشحالی کے نئے دور کا آغاز ہو گا، کورونا سے نمٹنے کیلئے پاکستان کے اقدامات کا عالمی سطح پر اعتراف کیا گیا۔

صدر مملکت کا مزید کہنا تھا کہ قیام پاکستان کے بعد مملکت کو بہت سے چیلنجز کا سامنا رہا، قوم نے آزمائشوں سے گزر کر بہت کچھ سیکھا۔ پاکستان سمیت دنیا بھرمیں کورونا کا حملہ ہوا، پوری دنیا لاک ڈاون کی طرف گئی۔ وزیراعظم عمران خان کوخراج تحسین پیش کرتا ہوں جنہوں نے فیصلہ کیا کہ مکمل لاک ڈاون نہیں کر سکتے، غریبوں کی فکر کرتے ہوئے جزوی لاک ڈاون کیا جو کامیاب رہا۔دنیا نے کہا ہمیں پاکستان سے سیکھنا چاہیے،قومیں صحت اور تعلیم کے باعث غربت سے نکلتی ہیں،50ہزار غریب طلبا کو اسکالرشپ دی گئی،

صدر مملکت کا مزید کہنا تھا کہ وطن بنانا ایسے ہی ہے جیسے صدیوں بعد آزادی ملے،پاکستانی قوم نے35لاکھ افغان مہاجرین کو پناہ دی،آج بھی پاکستان میں 27لاکھ افغان مہاجرین موجود ہیں،تاریخی دن پرڈاکٹروں،نرسوں اورشعبہ طب سےوابستہ دیگرافرادکوخراج تحسین پیش کرتاہوں ،نوجوان پاکستان اور اسلام کے حوالے سے اپنی جڑیں مضبوط کریں،

مادر وطن کی سمندری سرحدوں اور ساحلوں کے دفاع کے لیے تیار ہیں، سربراہ پاک بحریہ

پاک بحریہ کے سربراہ کا کریکس اور کوسٹل ایریا میں پاک بحریہ کی تنصیبات کا دورہ

پاک بحریہ دشمن کے ناپاک منصوبوں کو ناکام بنانے کے لئے تیار، نیول چیف کا دبنگ اعلان

کراچی شپ یارڈ میں پاک بحریہ کیلئے جدید جنگی ملجم کلاس جہاز کی اسٹیل کاٹنے کی تقریب

پاکستان بحریہ کا یوم آزادی پرخصوصی نغمہ ”پرچم پاکستان کا” ٹیزر جاری

یوم آزادی، ملک بھر میں تقریبات کا آغاز، مزار قائد، اقبال پر گارڈز کی تبدیلی،صوبوں میں توپوں کی سلامی

پاک بحریہ میں یوم آزادی کی تقریب،اکیس توپوں کی سلامی دی گئی

یوم آزادی، موٹروے پولیس کا قومی شاہرات پر فلیگ مارچ

یوم آزادی پاکستان پر وزیراعظم نے دیا کشمیریوں کو اہم پیغام

صدر مملکت کا مزید کہنا تھا کہ دہشت گردی کیخلاف جنگ میں پاکستان نے ہزاروں جانوں کی قربانیاں دیں۔ مسئلہ کشمیر اقوام متحدہ کی قراردادوں کےمطابق حل طلب ہے، سلامتی کونسل میں مسئلہ کشمیر پر بحث تاریخی تھی، یہ پاکستان کی خارجہ محاذ پر بڑی کامیابی تھی۔ بھارت نے اپنے ملک میں اقلیتوں کیلئے جینا محال کر رکھا ہے۔کشمیر پر نئے نقشے کا اجرا بہت بڑا کام ہے، ہم معیشت بہتر کرکے مسلم امہ کی قیادت حاصل کرسکتےہیں،