لاہور : جائیداد کا تنازعہ یا پہلی بیوی کا حسد کام کرگیا ، فیکٹری ایریا کےعلاقے میں جائیداد کے تنازعے پر فائرنگ ، تفصیلات کے مطابق فیکٹری ایریا پنجاب سوسائٹی میں ملزم الہی بخش کا اپنی بیوی یاسمین سے جھگڑا ہوا، اس دوران طیش میں آکرالہی بخش نے فائرنگ کر دی، فائرنگ کے باعث یاسمین موقع پر ہی دم توڑ گئی،
پولیس کا کہنا ہے کہ واقعہ جائیداد کے تنازعے پرپیش آیا، مقتولہ ملزم کی دوسری بیوی تھی۔پولیس اور فرانزک ٹیموں نے موقع سےشواہد اکٹھے کیے، جبکہ خاتون کی لاش پوسٹ مارٹم کے لیے مردہ خانے منتقل کردی، مقتولہ کے ورثا نے کہا ہے کہ الہٰی بخش بڑے عرصے سے مقتولہ پر تشدد کررہا تھا لیکن مقتولہ نے اپنے خاوند کے گھر کو ہی اپنی منزل سمجھا اس کے باوجود خاوند نے اس کی وفا کی پرواہ کیے بغیر قتل کردیا ہے.
