کبھی مایوس نہیں کرو‌ں گا ، وزیراعلیٰ خیبرپختونخواہ نے کس کے بارے میں یہ بہت بڑی بات کہہ دی

پشاور:میں سارے ایوان کی موجودگی میں آپ سے وعدہ کرتا ہوں کہ کبھی بھی قبائلی عوام کو کبھی مایوس نہیں کروں گا، قبائلی پرامن تھے، ہیں اور رہیں گے، افواہوں کے باوجود قبائلی علاقوں میں وقت پر صاف وشفاف انتخابات کرائے گئے۔اسمبلی اجلاس میں اظہار خیال کرتے ہوئے وزیراعلیٰ نے نومنتخب قبائلی اراکین کو مبارکباد دی۔ محمود خان کا کہنا تھا کہ آج خیبرپختونخوا کے اسمبلی کے لئے ایک تاریخی دن ہے۔

ذرائع کے مطابق کل اسمبلی میں خطاب کرتے ہوئے وزیراعلیٰ‌خیبر پختونخواہ محمود خان نے کہا کہ قبائلی علاقوں کی محرومیوں کو دور کرنے میں نومنتخب اراکین کو اپنا کردارا ادا کرنا ہوگا، تمام سیاسی پارٹیوں، قبائلی عوام اراکین اسمبلی اور پاک فوج کا مشکور ہوں کہ قبائلی علاقوں کے انضمام میں حکومت کا ساتھ دیا۔وزیراعلیٰ کا کہنا تھا کہ اپنے علاقوں کے محرومیوں سے نو منتخب اراکین بخوبی واقف ہے، قبائلی علاقوں کی محرومیوں کو دور کرنے کے لئے سیاست سے بالا تر ہوکر تمام ایم پی ایز کا ساتھ دیں گے۔

جواب چھوڑیں

آپ کا ای میل ایڈریس شائع نہیں کیا جائے گا.