بلاول کے کیا کہنے ، مجھے تو بلاول کی ہر ادا قبول ، مولانا فضل الرحمن کے بیان نے ہلچل مچادی

ڈیرہ غازی خان: مجھے تو بلاول کی ہر ادا پیاری لگتی ہے ، میں اس سے دلی پیار کرتا ہوں ، ان خیالات کا اظہار جمیعت علمائے اسلام(ف) کے سربراہ مولانا فضل الرحمان نے میڈیا سے بات کرتے ہوئے کیا ،مولانا فضل الرحمن کا کہنا تھا کہ احتجاج کی خاطر کنٹینر فراہم کرنا در اصل شکست تسلیم کرنا ہے۔

ذرائع ابلاغ سے بات چیت کرتے ہوئے ان کا کہنا تھا کہ آزادی مارچ سے متعلق تمام سیاسی جماعتوں سے مشاورت جاری ہے اور سب کو اعتماد میں لے کر فیصلہ کریں گے۔

ڈریرہ غازی خان میں میڈیا سے بات کرتے ہوئے ان کا کہنا تھا کہ جے یو آئی ف نے تن تنہا 15 کامیاب ملین مارچ کیے اور اس دوران ایک پتا تک نہیں ٹوٹا۔ پی ٹی آئی نے ایک جائز حکومت کیخلاف ناجائز دھرنا دیا تھا لیکن ہم ایک ناجائز حکومت کیخلاف آزادی مارچ کرنے جارہے ہیں۔

مولانا فضل الرحمن نے کہا کہ ان کا آزادی مارچ تاریخی ہوگا اور یہ ملک کی درست سمت کا تعین کرے گا۔مولانا فضل الرحمان نے کہا کہ اس مارچ کے بعد کوئی دھاندلی کرنے سے قبل سو بار سوچے گا۔