fbpx

قوم کو سلام پیش کرتا ہوں ، میری قوم بھی عظیم ، جزبے بھی عظیم ، کشمیریوں سے وفا کا حق ادا کردیا ، وزیر اعظم عمران خان

اسلام آباد : کشمیریوں سے اظہار یکجہتی کرنے اور بھارت کی غلامی سے کشمیر اور کشمیریوں کی آزادی کا عزم اور جزبہ پیش کرنے پر وزیراعظم عمران خان کا قوم کو سلام ، عمران خان نے کہا کہ کشمیریوں کو بھارتی مظالم سے نجات دلانے اور آزادی دلانے کے پاکستانی قوم کے جزبے نے کشمیریوں کو بہت حوصلہ دیا ہے وزیراعظم عمران خان نے قوم کو سلام پیش کرتے ہوئے کہا ہے کہ مجھے اپنی قوم سے یہی امید تھی اور اس عظیم قوم نے کشمیری بھائیوں سے اظہار محبت ، اظہار یکجہتی کرکے حق ادا کردیا ہے.

باغی ٹی وی کے مطابق وزیراعظم عمران خان نے قوم کے نام اپنے پیغام میں کہا ہےکہ میری قوم نے دنیا کو یہ باور کرادیا ہے کہ وہ کشمیری مسلمانوں کی حق آزادی کی حمایت کرتی ہے. وزیراعظم عمران خان نےکہا کہ کشمیریوں پر بھارتی فوج کے مظالم کے خلاف ڈٹ جانے پر پاکستان کشمیری قوم کو بھی سلام پیش کرتا ہے


وزیراعظم عمران خان نے اپنے پیغام میں کہا کہ آج پاکستانیوں نے عالمی دنیا کو ہندو انتہا پسندوں کے مظالم سے آگاہ کیا ، دنیا کو باور کرایا کہ یہ مودی نازی سوچ رکھتا ہےاور اسی نازی نظریے کے تحت مودی سرکار آر ایس ایس اور بی جے پی کو تربیت دے کر مسلمانوں کی نسل کشی پر تیار کررہی ہے. عمران خان نے مزید کہا کہ آج دنیا کو باور کرادیا گیا ہے کہ اگر عالمی برادری نے بھارت کو ان مظالم سے نہ روکا تو پھر اس کی لپیٹ میں دنیا بھی آسکتی ہے