عمران خان کو گرفتارکیا تومچھ جیل کے مرچی وارڈ میں رکھوں گا، وزیرداخلہ
اسلام آباد:وزیرداخلہ راناثنااللہ کا کہنا ہے کہ چیئرمین تحریک انصاف کو گرفتار کیا تومچھ جیل کے مرچی وارڈ میں رکھوں گا۔
ٹی وی انٹرویو میں وزیرداخلہ کا کہنا تھا کہ عمران خان ریاست کےساتھ لڑرہاہے، رینجرز، ایف سی اوراسلام آباد پولیس ان کو گرفتار کرے گی۔
وفاقی وزیر داخلہ رانا ثنا اللّٰہ نے دعویٰ کیا ہے کہ عمران خان کو گرفتار کر کے بلوچستان کی مچھ جیل کی مرچی وارڈ میں رکھا جائے گا اس سلسلے میں اختر جان مینگل سے وعدہ بھی کر لیا ہے انہیں بھی اسی وارڈ میں رکھا گیا تھا @sakhtarmengal pic.twitter.com/RGjOF9EUjR
— Hamid Mir (@HamidMirPAK) November 2, 2022
راناثنااللہ کا کہنا تھا کہ 25 مئی کے لانگ مارچ کے بعد اگر وفاقی کابینہ میری بات پر توجہ دیتی اور عمران خان کو گرفتار کرلیا جاتا تو یہ فتنہ دوبارہ سرنہ اٹھاتا۔
اس سے قبل آج میڈیا سے گفتگو میں وزیرداخلہ کا کہنا تھا کہ عمران خان سے مذاکرات کی بات کرتے ہیں تو یہ گالیاں دینا شروع کردیتے ہیں، تو پھر ان سے ہم کیا بات کریں۔ عمران خان سیاسی دہشت گرد ہے اس لیے نواز شریف نے مذاکرات سے انکار کیا۔