مجھے اگرہرایا گیا تو میں نہیں مانوں گا :آخری حد تک جاوں گا امریکی صدر ڈونلڈ ٹرمپ نےدھمکی دے دی

لاہور: مجھے اگرہرایا گیا تو میں نہیں مانوں گا :آخری حد تک جاوں گا امریکی صدر ڈونلڈ ٹرمپ نےدھمکی دے دی ،اطلاعات کے مطابق امریکہ میں جاری صدارتی انتخابات کے نتائج آنا شروع ہوگئے ہیں جس کے بعد امریکی صدر ڈونلڈ ٹرمپ نے نتائج پر شکوک و شبہات کا اظہار کردیا ہے ۔

 

 

ادھر ذرائع کے مطابق امریکی صدر اپنی شکست دیکھتے ہوئے بار بار ٹویٹ کے ذریعے اپنی پریشانی کا اظہارکررہےہیں ، سماجی رابطوں کی ویب سائٹ ٹوئٹر پر جاری پیغام میں ڈونلڈ ٹرمپ نے کہا کہ گزشتہ رات کئی اہم ریاستوں میں مجھے جو بائیڈن پر برتری حاصل تھی، جیسے ہی پوسٹل بیلٹ کی گنتی شروع ہوئی تو نتائج بدلنا شروع ہوگئے، جادوئی طور پر میرے ووٹ کم اور جو بائیڈن کے ووٹ بڑھنا شروع ہو گئے ، انتخابی ماہرین نے بھی اس بات کو مکمل طورپر حیرت انگیز قرار دیا ہے ۔

ٹرمپ نے کہا ہےکہ میں تو پہلے ہی کہتا تھا کہ مجھے دھاندلی سے ہرایا جارہا ہے اس کا بڑا ثبوت یہ ہےکہ جب بھی پوسٹل بیلٹ کی گنتی کرتے ہیں تو ڈیموکریٹس کی ووٹوں میں حد سے زیادہ اضافہ ہو جاتا ہے ۔

 

 

اپنے حامیوں سے خطاب میں صدر ٹرمپ نے کہا کہ تمام تر تحفظات کے باوجود ہم الیکشن جیت چکے ہیں، اور ہم عنقریب کامیابی کا جشن منائیں گے ، شاندار حمایت پر امریکی عوام کا شکریہ ادا کرتا ہوں ،

امریکی صدر ڈونلڈ ٹرمپ کہتے ہیں کہ مشی گن میں تقریباً 3 لاکھ ووٹوں سے جیت رہے ہیں ، فلوریڈا اور ٹیکساس میں کامیاب ہوگئے ہیں ، ہم جارجیا اور نارتھ کیرولینا میں جیت کے قریب ہیں ، ایری زونا نے کسی نے کامیابی کا اعلان کیا ہے لیکن ہم وہاں مقابلے میں ہیں ، ٹیکساس میں ہم نے 70 ہزار سے زیادہ ووٹ حاصل کیے ،

امریکی صدر نے اپنی دوسری ٹویٹ میں پھر کہا کہ مشی گن میں بھی ہم بہت آگے ہیں ، کئی ریاستوں میں ووٹوں کی گنتی جاری ہے، انتخابات کے بہترین نتائج سامنے آرہے ہیں ،ہم ایسی ریاستوں میں بھی جیت چکے ہیں جہاں ہمیں ضرورت نہیں تھی ، اوہائیو سے مجھے محبت ہے اور وہاں بھی کامیابی حاصل کی۔

جواب چھوڑیں

آپ کا ای میل ایڈریس شائع نہیں کیا جائے گا.