fbpx

آئی جی پنجاب کا میانوالی میں فائرنگ سے 3 افراد کے جاں بحق ہونے کے واقعہ کا نوٹس

میانوالی :آئی جی پنجاب کا میانوالی میں فائرنگ سے 3 افراد کے جاں بحق ہونے کے واقعہ کا نوٹس ،اطلاعات کے مطابق آئی جی پنجاب راؤ سردار علی خان نے سمندر والا، میانوالی میں فائرنگ سے 3 افراد کے جاں بحق ہونے کے واقعہ کا نوٹس لے لیا ہے۔

تفصیلات کے مطابق آئی جی پنجاب نے آر پی او سرگودھا سے واقعہ کی رپورٹ طلب کرلی، آئی جی پنجاب نے سینئر پولیس افسران کو فوری طور پر موقع پر پہنچنے کی ہدایت کی۔

آئی جی پنجاب کا کہنا تھا کہ واقعہ میں ملوث ملزمان کی گرفتاری کے لیے فوری ٹیمیں تشکیل دی جائے، ملزمان کو جلد از جلد گرفتار کر کے قرار واقعی سزا دلوائی جائے گی۔واضح رہے کہ میانوالی کے نواحی علاقہ سمند والا میں ریلوے پھاٹک کے قریب دو گروپوں کے درمیان فائرنگ کا واقعہ پیش آیا ہے۔

وقوعہ کے نتیجہ میں 03 افراد جاں بحق جبکہ 6 افراد زخمی ہو گئے، زخمیوں میں سے ایک شخص کی حالت تشویشناک ہے، ریسکیو 1122 کی چار ایمبولینسز کے زریعے زخمیوں کو طبی امداد دیکر اسپتال منتقل کیا گیا ہے۔

ذرائع کا کہنا ہے کہ جاں بحق ہونے والوں میں شہزاد ولد احمد نواز عمر 26 سال، ذوالقرنین ولد ضیاء اللہ عمر 30 سال، غلام نصیر ولد غلام فرید عمر 28 سال شامل ہیں جبکہ زخمیوں میں عظیم ولد غلام احمد عمر 55 سال، محمد بلال ولد عمر حیات عمر 25 سال، محمد اقبال ولد خلیل، جاوید خان ولد عمر حیات اور محمد خلیل ولد محمد نواز شامل ہیں۔

ادھرراولپنڈی میں عید الفطر اور گرمائی سیزن کے دوران ٹریفک پولیس کے 350 سے زائد اہلکارڈیوٹی پر مامور ہیں۔

تفصیلات کے مطابق چیف ٹریفک آفیسر راولپنڈی (سی ٹی او) نوید ارشاد کا کہنا ہے کہ ضلعی انتظامیہ کے حکم پر مری میں آٹھ ہزار سے زائد گاڑیوں کے داخلے کی اجازت نہیں ہے، مری میں تقریبا 3500 گاڑیوں کی پارکنگ کی گنجائش ہے۔

انہوں نے کہا کہ مری میں مجموعی طور پر اب تک سیاحوں کی 637 گاڑیا ں موجود ہیں، بغیر ہیلمٹ موٹر سائیکلوں سواروں کو مری میں داخلہ کی اجازت نہیں دی جا رہی، حفاظتی اقدامات کے پیش نظر صرف لائسنس ہولڈر ڈرائیورز کو مری داخلہ کی اجازت ہو گی۔

چیف ٹریفک آفیسر راولپنڈی (سی ٹی او) نوید ارشاد کا مزید کہنا تھا کہ مری کے تمام داخلی و اندرونی راستوں پر چیکنگ پکٹس قائم کی گئی ہیں، سیاحوں کی مدد اور رہنمائی کے لئے ٹریفک پولیس ہیلپ لائن 0519269200 کی سہولت بھی فراہم کی گئی ہے۔