آئی جی پنجاب کے نوٹس کے بعد ملزم پر تشدد کرنیوالا چوکی انچارج گرفتار
میڈیا پر خبریں چلنے کے بعد آئی جی پنجاب نے نوٹس لیا تو لڑکے پر تشدد کرنے والے پولیس اہلکار کے خلاف مقدمہ درج کر لیا گیا
باغی ٹی وی کی رپورٹ کے مطابق ضلع قصور کے علاقہ کوٹ رادھا کشن میں پولیس چوکی پر تعینات شریف نامی پولیس اہلکار نے نصیر نامی لڑکے کو چوری کے الزام میں گرفتار کیا اور شدید تشدد کا نشانہ بنایا تھا، میڈیا پر خبریں چلنے کے بعد آئی جی پنجاب نے واقعہ کا نوٹس لیا اور چوکی انچارج کو گرفتار کرنے کا حکم دیا، جس کے بعد چوکی انچارج کے خلاف مقدمہ درج کر لیا گیا.
پنجاب پولیس نہ بدل سکی، پولیس حراست میں تین ماہ میں 5 ہلاکتیں، ذمہ دار کون
وزیرقانون کا پولیس تشدد کے باعث زیرحراست ملزمان کی ہلاکت کا نوٹس
پولیس نے نویں جماعت کے طالب علم نصیر کو بدترین تشدد کا نشانہ بنایا جس کی وجہ سے اس کی حالت انتہائی غیر ہو گئی۔پولیس گردی کی بھینٹ چڑھنے والے طالب علم نصیر کے ماموں نے الزام عائد کیا ہے کہ پولیس نصیر کو کئی روز تک بدترین تشدد کا نشانہ بناتی رہی جو اب گزشتہ 6 روز سے جناح اسپتال میں زندگی اور موت کی جنگ لڑ رہا ہے۔
پولیس تشدد سے صلاح الدین قتل، وزیراعلیٰ کا جوڈیشل کمیشن کے لئے ہائیکوٹ کو خط
نصیر کے ماموں نے میڈیا کو بتایا کہ نصیر اپنی پڑھائی کے ساتھ ساتھ ایک کالنگ سینٹر بھی چلا رہا ہے۔ نصیر نے کسی شہری سے موبائل خریدا لیکن پولیس نے چوری کا الزام لگا کر کئی روز تک نصیر کو تشدد کا نشانہ بنایا۔انہوں نے کہا کہ جب نصیر کی حالت انتہائی غیر ہو گئی تو پولیس نے اسے اسپتال لے جانے کے بجائے ہمارے حوالے کر دیا۔