آئی جی پنجاب کو کرونا وائرس، حقیقت سامنے آ گئی

آئی جی پنجاب کو کرونا وائرس، حقیقت سامنے آ گئی
باغی ٹی وی ترجمان پنجاب پولیس نے ان سب افواہوں اور اطلاعات کی تردید کی ہے جن کے مطابق شعیب دستگیر انسپکٹر جنرل پولیس پنجاب کورونا وائرس میں مبتلا ہیں۔ترجمان پولیس کا کہنا تھا کہ یہ خبر بالکل غلط ہے اللہ تعالٰی کے فضل و کرم سے انسپکٹر جنرل صحت یاب ہیں اور معمول کے مطابق اپنے سرکاری فرائض سرانجام دے رہے ہیں.

واضح رہے کہ اس سے قبل اسلام آباد میں ہم نیوز میں بھی ملازمین میں کرونا وائرس کی تشخیص ہو چکی ہے، لاہور میں سٹی 42 کے ملازمین میں کرونا پھیل چکا ہے. ملک بھر میں صحافتی ورکرز کی زندگیاں خطرے میں ہیں خصوصا جو فیلڈ میں کام کر رہے ہیں،

قبل ازیں بھارت میں ایک ہی چینل کے 25 ملازمین میں کرونا کی تشخیص ہوئی تھی، ممبئی میں 53 صحافیوں میں کرونا کا ٹیسٹ مثبت آیا تھا.
ادھر پی آئی اے کے مزید 3 فضائی میزبانوں میں کرونا وائرس کی تشخیص ہوئی ہے.نجی ٹی وی کے مطابق کرونا وائرس سے متاثرہ فضائی میزبانوں میں ایک کا تعلق پشاور اور 2 کا لاہور سے ہے، تینوں فضائی میزبان لاہور سے پی آئی اے کی خصوصی پرواز پر مانچسٹر گئے تھے۔ تینوں فضائی میزبانوں کو برطانوی شہر مانچسٹر سے واپسی پر اسلام آباد میں 2 روز سے مقامی ہوٹل میں آئسولیٹ کر دیا گیا تھا، اس دوران ان کے کرونا کے ٹیسٹ کیے گئے جن کا نتیجہ مثبت آ گیا۔

جواب چھوڑیں

آپ کا ای میل ایڈریس شائع نہیں کیا جائے گا.