احتیاطی تدابیر پر عملدرآمد نہ کیا تو کرونا کی وجہ سے سنگین نتائج ہو سکتے ہیں. اسد عمر
احتیاطی تدابیر پر عملدرآمد نہ کیا توکرونا کی وجہ سے سنگین نتائج ہو سکتے ہیں. اسد عمر
باغی ٹی و ی : وفاقی وزیر برائے منصوبہ بندی اسد عمر نے کورونا وائرس سے بچاؤ کی احتیاطی تدابیر پر عملدرآمد نہ کرنے کے سنگین نتائج سے خبردار کر دیا ہے۔
انہوں نے اپنے ایک ٹویٹ پیغام میں کہا کہ گزشتہ ہفتے کورونا سے یومیہ جاں بحق افراد کی تعداد بارہ تھی جو پچھلے کئی ہفتوں کے مقابلے میں ایک سو چالیس فیصد زائد ہے۔
Last week daily covid mortality was 12. This is a 140% increase vs few weeks back. We are collectively committing a blunder by recklessly ignoring all sop's & the results have started to show. If we do not change our current path we will lose both lives and livelihoods
— Asad Umar (@Asad_Umar) October 20, 2020
اسد عمر نے کہا کہ ہم تمام احتیاطی تدابیر کو مکمل طور پر نظر انداز کرتے ہوئے اجتماعی غلطی کے مرتکب ہو رہے ہیں اور اس کے نتائج نظر آنا شروع ہو گئے ہیں۔ انہوں نے کہا کہ اگر موجودہ روش نہ بدلی گئی تو ہم زندگیاں اور روزگار کے ذرائع سے محروم ہو جائیں گے۔
پاکستان میں کرونا سے اموات میں ایک بار پھر اضافہ ہونے لگا ہے، گزشتہ 24 گھنٹے میں کرونا سے 14 اموات ہوئی ہیں جبکہ 625 نئے مریض سامنے آئے ہیں
این سی او سی کے مطابق پاکستان میں کرونا سے اموات کی مجموعی تعداد 6 ہزار 673 ہو گئی ہے جبکہ مریضوں کی مجموعی تعداد 3 لاکھ 24 ہزار 84 ہو گئی ہے،
این سی او سی کے مطابق اسلام آباد میں کورونا مریضوں کی تعداد 18 ہزار 69 ہوگئی ہے۔ پنجاب ایک لاکھ ایک ہزار 760، سندھ میں ایک لاکھ 42 ہزار 134، خیبر پختونخوا میں 38 ہزار 708، بلوچستان میں 15 ہزار 704، گلگت بلتستان میں 4 ہزار 84 اور آزاد کشمیر میں 3 ہزار 507 کرونا مریض سامنے آئے ہیں
این سی او سی کے مطابق کورونا وائرس سے پنجاب میں 2 ہزار 298 ، سندھ میں 2 ہزار 581 ، خیبر پختونخوا میں ایک ہزار 265، اسلام آباد میں 195، بلوچستان میں 148، گلگت بلتستان میں 90 اور آزاد کشمیر میں 82 اموات ہو چکی ہیں