fbpx

اسلام آباد پولیس نے ڈاکوں کے ایک گروہ کو گرفتار کرلیا

جڑواں شہروں میں ڈکیتی اور شہریوں کو فائر مار کر زخمی، قتل کرنیوالا چھ رکنی گینگ تھانہ کورال پولیس ٹیم نے گرفتار کر لیا۔

اسلام آباد پولیس کے مطابق: ملزمان نے اسلحے کے زور پر ڈکیتی کی متعدد وارداتوں کا انکشاف کیا ہے.


ایک کاروائی میں اسلام آباد کیپیٹل پولیس نے شہری کے گھر میں چوری کرنے والی ملازمہ کو گرفتار کر کے چوری شدہ ملکی و غیر ملکی کرنسی تقریباً 03 لاکھ روپے برآمد کرلی۔ ملزمہ کے خلاف تھانہ ویمن میں مقدمہ درج درج کرلیا گیا ہے.


گزشتہ دنوں بلال ثابت نامی ڈکیت گینگ کے خلاف پولیس کی ایک اور کارروائی میں گینگ کے دو کارندے مارے گئے۔
بدنام زمانہ بلال ثابت ڈکیت گینگ کے صفایا کا مشن کے سلسلے میں گرفتار ملزم کی نشاندہی پر اسلام آباد پولیس نے ترنول میں چھاپہ مارا تو ڈاکوؤں نے فائر کھول دیا۔
فائرنگ کے تبادلے میں گینگ کے 2 کارندے سرفراز اور سعید ہلاک ہو گئے،۔ پولیس کے مطابق دونوں ڈاکو اپنے ہی ساتھیوں کی فائرنگ کا شکار بنے۔


چھاپے کے دوران دو ملزمان لیاقت علی اور نور اللہ موقع سے فرار ہوگئے جن کی گرفتاری کیلئے پولیس کے چھاپے جاری ہیں۔
دوسری طرف دو روز پہلے نصیر آباد میں پولیس اور حساس ادارے کے مشترکہ آپریشن کے دوران مارے گئے بلال ثابت ڈکیت گینگ کے سرغنہ اور ساتھی کا پوسٹ مارٹم مکمل پولیس نے لاشیں لواحقین کے حوالے کر دیں۔

بلال ثابت کی لاش اس کے والد جبکہ امتیاز لنگڑا کی لاش اُس کی بیوہ نے وصول کی۔۔ بلال کی لاش پشتخرہ پشاور جبکہ امتیاز کی کشمیر روانہ کر دی گئی۔

پولیس کے مطابق بلال ثابت ڈکیت گینگ کیخلاف قتل اور ڈکیتی سمیت دیگر سنگین جرائم کے سو سے زائد مقدمات درج ہیں۔ یہ گینگ چار پولیس افسران اور حساس ادارے کے افسر سمیت کئی افراد کے قتل میں بھی ملوث ہے