fbpx

عمران خان کے سابق پرسنل سیکرٹری اور دوست کی اربوں کی کرپشن، تحقیقات کا حکم

تحریک انصاف کے سابق دور حکومت میں اربوں روپے کے غبن کی ایک اور کہانی منظرعام پر آگئی ہے سابق وزیراعظم عمران خان کے سابق پرسنل سیکرٹری اعظم خان ،ممبر کسٹم طارق ہدا اور ایم جی موٹرز کے مالک جاوید آفریدی نے اربوں روپے کی لوٹ مار کی۔

باغی ٹی وی : میڈیا رپورٹس کے مطابق سال 2021 میں ایم جی آٹو موٹرز نے دس ہزار سے زیادہ گاڑیاں درآمد کیں اور طارق ہدا ممبر کسٹم کی مدد سے اربوں روپے کی کسٹم ڈیوٹی کا فراڈ کیا گاڑی کی قیمت CKD Kits سے بھی کم ظاہر کی گئی CKD Kit 16000 ڈالر میں اور پوری گاڑی 11000 سے 13000ڈالر میں کلیئر کی گئی۔

ذرائع کا کہنا ہے کہ کچھ کسٹم افسران نے اس پر اعتراض آٹھایا تو طارق ہدا نے ان کا فورا تبادلہ کر دیا۔

نواز شریف ،مریم نواز،حمزہ شہبازسمیت متعدد افراد کے نام ای سی ایل سے خارج

ایوب آفریدی جو جاوید آفریدی کے آنکل ہیں کو سینٹ کی سیٹ سے استعفٰی دلوا کر اس سیٹ پر شوکت ترین کو سینٹر بنوایا گیا اور پرنسپل سیکرٹری اعظم خان اور وزیر خزانہ کی سرپرستی کی وجہ سے طارق ہدا نے لوٹ مار کا بازار گرم کیے رکھا۔

20 اپریل 2022 کو وزیر دفاع خواجہ آصف نے اس معاملے کو پبلک اکاؤنٹس کمیٹی میں اٹھایا اور چیرمین ایف بی آر کو تفتیش کرکے ایک مہینے میں رپورٹ پیش کرنے کا کہا چیرمین نے اب چار ارکان پہ مشتمل کمیٹی تشکیل دی ہے جو اس معاملے کی چھان بین کرے اور اربوں روپے کے فراڈ میں ملوث ذمہ دارن کا تعین کرے۔

چیئرمین نے حکم جاری کیا ہے کہ ایڈجوڈیکیشن پروسیڈنگ جو کہ پہلے بھی ہو چکی ہے کو دوبارہ کھولا جائے، چار رکنی کمیٹی کو آرڈر جاری کیا گیا ہے کہ اپنی رپورٹ 15 مئی تک پیش کرے۔

صدر مملکت نے سرکاری معلومات لیک کرنے والے بدعنوان نیب اہلکار کی سزا کیخلاف اپیل…

یاد رہے کہ ایڈجوڈیکیشن پروسیڈنگ کا پہلہ فیصلہ ایم جی آٹو موٹرز کے حق میں کیا گیا کیونکہ کلیکٹر ایڈجوڈیکیشن پہ طارق ہدا کا دباؤ تھا۔

دوسری طرف اعلیٰ سطح کے پرمووشن بورڈ کا اجلاس 26 اپریل کو ہونا طے ہے جس میں طارق کو ترقی دے کر22 ویں گریڈ میں ترقی دیئے جانے کا امکان ہے-


صحافی و تجزیہ کار طلعت نے سماجی رابطے کی ویب سائٹ ٹویٹر پر ایم جی موٹرز سکینڈل کے حوالہ سے ٹویٹ کی جس کو وفاقی وزیر دفاع خواجہ آصف نے ری ٹویٹ کرتے ہوئے کہا کہ میں نے آواز اٹھائی تھی اور اب اس کرپشن کی تحقیقات کے لیے ون پوائنٹ ایجنڈہ رکھتے ہوئے اجلاس طلب کر لیا گیا ہے-


ایم جی موٹرز کے مالک جاوید آفریدی نے خواجہ آصف کو جواب دیتے ہوئے کہا کہ ہم کسی بھی فورم پر تحقیقات کے لیے تیار ہیں جو کام بھی ہوا وہ قانونی تھا تحقیقات ہوں گی تو سب سامنے آ جائے گا

پنجاب میں کمیشن کھانے والوں کا نام ای سی ایل میں ڈالا جائے گا،مریم اورنگزیب