اسلام آباد: سربراہ پاکستان عوامی تحریک اور سابق وفاقی وزیر داخلہ شیخ رشید احمد کا کہنا ہے کہ ملک کے لیے جن کی عزت کرنا لازم ہے وہ بھی سوالیہ نشان بنتے جارہے ہیں۔
باغی ٹی وی : سابق وزیر داخلہ نے سماجی رابطے کی ویب سائٹ ٹوئٹر پر ایک نوٹ شئیر کیا جس میں شیخ رشید نے کہا کہ ملک کے حالات گمبھیر، پریشان کن اور تشویشناک ہوتے جا رہے ہیں، جنہیں جیلوں میں ہونا چاہیے تھا انہیں اہم عہدوں پر تعینات کیا جا رہا ہے-
ایک بہتر کل کی امید ابھی بھی زندہ ہے، شوبز فنکاروں کا عمران خان کے ساتھ اظہار…
— Sheikh Rashid Ahmed (@ShkhRasheed) April 24, 2022
شیخ رشید نے کہا کہ اور سب سے پریشان کن بات یہ ہے کہ ملک کے لیے جن کی عزت کرنا لازم ہے وہ بھی سوالیہ نشان بنتے جا رہے ہیں، سامراج کے ایجنٹوں نے اپنے مفاد کے لیے گندی نالی کی اینٹوں کو تاج محل میں سجا دیا۔
رات کو عدالتیں کیوں کھلی؟ وفاقی وزیراطلاعات مریم اورنگزیب نے وجہ بتا دی
سابق وفاقی وزیر کا کہنا تھا قوم یاد رکھے، عمران خان کی اسلام آباد کے لیے کال دنیا کو انگشت بدنداں کر دے گی، ایسا زناٹےکا رن پڑے گا کہ پاکستان کی تاریخ کی سب سے کم عمر یہ موجودہ حکومت ہو گی ،رہے گا نام اللہ کا-
Leave a reply
