اکیسویں صدی میں ہم انتہا پسندی کو برداشت نہیں کرسکتے، فیاض الحسن

صوبائی وزیر فیاض الحسن چوہان نے حکومت پنجاب اور اپنی طرف سے پوری قوم کو آزدی کی مبارکباد دی ہے، اللہ کا شکر ادا کروں گا کہ قائداعظم کی قیادت میں، علامہ اقبال کی سوچ اور فکر کی روشنی میں اور چوہدری رحمت علی خان کی جدوجہد کو بروئے کار لاتے ہوئے برصغیر کے مسلمانوں نے 14 اگست کو پاکستان حاصل کیا تھا، آج اللہ کے کرم سے پاکستان پہلے زیادہ مضبوط اور مربوط لیڈرشپ کے ہاتھ میں ہے، ترجمان کی حیثیت سے یقین سے کہتا ہوں کہ وزیراعظم پاکستان اور ملٹری قیادت بالکل متحد اور متفق ہے، پاکستان سے آگے، پاکستان کے بعد کوئی چیز نہیں ہے، سب سے پہلے پاکستان ہے، پاکستان کی تصویر ہے.

فیاض الحسن نے مزید کہا کہ ہمارا سب سے بڑا چیلنج انتہا پسندی ہے، اس کو چھوڑنا ہے، انتہا پسندی چاہے مذہب کے نام پر ہو، چاہے تفرقے کے نام پر ہو، چاہے عقیدے کے نام پر ہو، چاہے لبرلزم کے نام پر ہو، چاہے جمہوریت کے نام پر ہو، چاہے سیکولیزم کے نام پر ہو، چاہے لسانیت کے نام پر ہو، چاہے اسپیت کے نام پر ہو، چاہے صوبائیت کے نام پر ہو، کسی نام سے جو انتہا پسندی ہے، چاہے وہ لوکل ہے، چاہے وہ ڈومیسٹک ہے، چاہے وہ ریجنل ہے، چاہے وہ انٹرنیشنل لیول کی ہے، کوئی بھی ہم پاکستانیوں کے اندرانتہا پسندی ہے، آج ہم نے طے کرنا ہے کہ اکیسویں صدی کہ اس وقت کے جو حالات ہیں، اس میں ہم انتہا پسندی برداشت نہیں کرسکتے ہیں.