قائداعطم محمد علی جناح کے سپاہی جناح کا پاکستان مانگتے مانگتے دنیا ہی چھوڑ گئے

0
22

لاہور : قائداعظم محمد علی جناح کے نڈر سپاہی اور تحریک پاکستان کے طالب علم رہنما جناح کا پاکستان مانگتے مانگتے دنیا ہی رخصت ہوگئے ، اطلاعات کے مطابق تحریک پاکستان کے متحرک کارکن ”جناح کے پاکستان“ کا مطالبہ کرتے کرتے جہان فانی سے کوچ کر گئے، اکرام الحق نے قائد اعظم کے ساتھ یادگار وقت گزارا تھا اور پھر نوے سالہ اکرام الحق لبرٹی گول چکر پر عوامی شعور کو جگاتے جگاتے جہان فانی سے رخصت ہو گئے۔

لاہوریے تو جانتے ہی ہیں کہ گزشتہ چھ سال سے لاہور کے مختلف علاقوں میں ”مجھے جناح کا پاکستان چاہئے“ کا پلے کارڈ لیکر کھڑا ہونا انکا معمول تھا۔ان کی اہلیہ بتاتی ہیں کہ اکرام الحق قائد اعظمؒ کے نڈر سپاہی اور طالب علم لیڈر تھے اور ممدوٹ ہاﺅس کے باہر قائد اعظمؒ کی حفاظت کیا کرتے تھے۔

اہلیہ اور دیگر ذرائع سے معلوم ہوا ہے کہ اکرام الحق نے قا ئد اعظم کے شانہ بشانہ تحر یک پا کستان میں بھر پور کر دار ادا کیا، ان کے بیٹے بتاتے ہیں کہ وہ جس پاکستان کا خواب دیکھتے تھے وہ تو سرے سے موجود ہی نہیں رہا،چاہتے تھے کہ جس مقصد کیلئے قائد اعظم نے پاکستان بنایا وہ مقصد حاصل ہو۔

Leave a reply