ٹھٹھہ: ایڈیشنل ڈپٹی کمشنر ون کی قیادت میں حفاظتی ٹیکوں کے اہمیت اور افادیت کے متعلق ریلی نکالی گئی

ٹھٹھہ ،باغی ٹی وی (نامہ نگار راجہ قریشی) ایڈیشنل ڈپٹی کمشنر ون ٹھٹھہ منور عباس سومرو کی قیادت میں مکلی سول ہسپتال سے ڈپٹی کمشنر آفس چوک تک حفاظتی ٹیکوں کے اہمیت اور افادیت کے متعلق عوام میں شعور بیدار کرنے کیلئے ایک شاندار ریلی نکالی گئی – ریلی سے خطاب کرتے ہوئے ایڈیشنل ڈپٹی کمشنر ون منور عباس سومرو نے کہا کہ 24 تا 30 اپریل تک دو سال سے کم عمر کے بچوں کو 12 مختلف وبائی امراض سے بچاؤ کیلئے حفاظتی ٹیکے لگائے جائینگے ، والدین کی ذمہ داری ہے کہ وہ محکمہ صحت کی جانب سے ان کے گھروں پر آنے والی ٹیموں سے بھرپور تعاون کریں اور اپنے بچوں کو خطرناک وبائی امراض سے بچاؤ کیلئے حفاظتی ٹیکے ضرور لگائیں – انہوں نے کہا کہ حفاظتی ٹیکوں کا سلسلہ پورہ سال جاری رہتا ہے تاہم بین الاقوامی ہفتہ منانے کا مقصد عوام میں حفاظتی ٹیکوں کے متعلق شعور بیدار کرنا ہے تاکہ کوئی بھی بچہ حفاظتی ٹیکوں سے محروم نہ رہ جائے اور مستقبل کے معماروں کی زندگیاں محفوظ بنائی جاسکیں – اس موقع پر سول ہسپتال مکلی کے سول سرجن ڈاکٹر سید صفدر علی شاہ ،ایڈیشنل سول سرجن ڈاکٹر گیانچند ،مرف کے نمائندے ڈاکٹر دائود ہیلایو ،این اسٹاف افسر ڈاکٹر راجیش کمار ،ڈسٹرکٹ مینیجر یونیسف اعجاز احمد جاکھرو سمیت محکمہ صحت کے افسران و عملہ ، والدین ، معززين ،سول سوسائٹی کے نمائندے اور عوام کی بڑی تعداد موجود تھے –

Leave a reply