fbpx

پاک آرمی برگیڈیئر کی زیرصدارت ضلعی انتظامیہ کا اہم اجلاس

ضلع خانیوال میں کورونا وائرس کا پھیلائو روکنے اور لاک ڈائون احکامات پر عمل یقینی بنانے کیلئے اقدامات تیز کردیئے گئے-اس ضمن میں پاک فوج،ضلعی انتظامیہ،ڈسٹرکٹ پولیس کے افسران کا منصوبہ بندی بارے اہم اجلاس زیر صدارت بریگیڈئیر نوشیروان منعقد ہوا-

ڈپٹی کمشنر آغا ظہیر عباس شیرازی،ڈی پی او محمد علی وسیم سمیت پاک فوج کے دیگر افسران،ایڈیشنل ڈپٹی کمشنرز،سی ای او ہیلتھ نے بھی اجلاس میں شرکت کی-بریگیڈئیر نوشیروان نے اجلاس سے خطاب کرتے ہوئے کہا کہ وباء کو انتظامی بنیادوں پر کنٹرول کرنے کے لئے تمام دستیاب وسائل بروئے کال لائے جائیں وائرس کے پھیلائو کے حوالہ سے آئندہ اڑھائی ہفتے نہایت اہم ہیں اس لئے حکومت کی پالیسی کیمطابق وباء پر قابو پانے کیلئے سخت اقدامات کئے جائیں-انہوں نے کہا کہ 40 سال اور اس سے زائد عمرکے افراد کی ویکسینیشن کیلئے رجسٹریشن شروع کی جائے
لاک ڈائون پر عمل کیلئے پاک فوج ضلعی انتظامیہ کو مکمل سپورٹ فراہم کریگی-

ڈپٹی کمشنر آغا ظہیر عباس شیرازی نے اجلاس میں بتایا کہ ضلع میں اس وقت کورونا کے 244 ایکٹو کیسز ہیں جن میں سے 20 سرکاری ہسپتالوں میں زیر علاج جبکہ 224 ہوم کورنٹائن ہیں گزشتہ روز لاک ڈائون،ایس او پیز کی خلاف ورزی پر گزشتہ روز 34 دکانیں سیل کرکے 5 ایف آئی آرز درج کرائی گئیں-انہوں نے مزید بتایا کہ ایس او پیز اور لاک ڈائون کے حوالہ سے تمام مکاتب فکر کے علماء اور تاجر نمائندگان کو بھی آن بورڈ لیا گیا ہے -اجلاس میں سی ای او ہیلتھ نے اجلاس سرکاری ہسپتالوں میں دستیاب سہولیات بارے بریفنگ دی-

جواب چھوڑیں

آپ کا ای میل ایڈریس شائع نہیں کیا جائے گا.