آرمی چیف سے امریکی ناظم الامور کی اہم ملاقات:افغانستان سے محفوظ راستہ دینے میں مدد کی اپیل

0
22

راولپنڈی:آرمی چیف سے امریکی ناظم الامور کی اہم ملاقات:افغانستان سے محفوظ راستہ دینے میں مدد کی اپیل،اطلاعات کے مطابق آرمی چیف سے امریکی ناظم الامور نے ملاقات کرتے ہوئے افغانستان سے امریکی افواج کے محفوظ انخلاکے بارے میں پاکستان سے مدد کی درخواست کردی ہے

پاک فوج کے شعبہ تعلقات عامہ (آئی ایس پی آر) کے مطابق اس دوران آرمی چیف سے بات کرتے ہوئے امریکی ناظم الامور نے باہمی دلچسپی کے امور، علاقائی سکیورٹی صورتحال سمیت افغان امن عمل اور مختلف شعبوں میں دو طرفہ تعاون پر بھی تبدلہ خیال کیا گیا۔

آئی ایس پی آر کے مطابق آرمی چیف جنرل قمر جاوید باجوہ نے کہا کہ پاکستان تمام اسٹیک ہولڈرز کے باہمی اتفاق رائے پر ہمیشہ افغانوں کی سربراہی میں امن عمل کی حمایت کرے گا۔

جنرل قمر جاوید باجوہ سے گفتگو کرتےہوئے امریکی ناظم الامور نے علاقائی امن و سلامتی کے لیے پاکستان کی کوششوں کو سراہا اور دونوں ممالک کے درمیان تعلقات کو مزید فروغ دینے کا وعدہ کیا۔

یاد رہے کہ کل امریکی وزیرخارجہ نے آرمی چیف سے ٹیلی فون پر بات کی تھی ،امریکہ کے سیکریٹری خارجہ کا پاکستان کے آرمی چیف سے رابطہ ایسے وقت میں ہوا ہے جب گزشتہ روز یہ خبر سامنے آئی تھی کہ صدر جو بائیڈن رواں برس گیارہ ستمبر تک غیر مشروط طور پر افغانستان سے امریکی فوجی واپس بلا لیں گے۔

عالمی خبر رساں ایجنسی نے اس ضمن میں امریکی حکومت کے ایک اعلیٰ عہدیدار کے حوالے سے گزشتہ روز بتایا تھا کہ نیویارک کے ورلڈ ٹریڈ سنٹر پر حملے کی 20 ویں برسی سے قبل امریکہ اپنی طویل ترین جنگ کا اختتام کرے گا۔افغان حکومت اور طالبان کو مذاکرات کی میز پر لانے کے لیے پاکستان نے اہم کردار ادا کیا ہے

Leave a reply