پاکستان شوبز انڈسٹری کے نامور اداکار عمران عباس بھی عالمی شہرت یافتہ ترک شیف براق اوزڈیمیر کی پاکستان آمد کا بے چینی سے انتظار ہے-

باغی ٹی وی : واضح رہے کہ عمران عباس حال ہی میں تُرکی میں اپنی چھٹیاں گزار کر آئے ہیں انہوں نے ترکی کے خوبصورت مقامات کی سیر کے دوران لی گئیں تصاویر مداھوں کے ساتھ سوشل میڈیا پر بھی شئیر کیں-

اداکار عمران عباس نے ترکی کی سیر کے دوران وہاں معروف شخصیات سے بھی ملاقات کی عمران عباس نے ترک ڈرامہ سیریز ارطغرل غازی میں چاہو دار قبیلے کے سردار کے بیٹے علیار بے کا کردار نبھانے والے اداکار جیم اوچان اور ترکی کے عالمی شہرت یافتہ شیف براق اوز ڈیمیر سے ملاقات کی اور تصاویر سوشل میڈیا پر بھی شئیر کیں-

ترک شیف براق نے عمران عباس کے ساتھ ملاقات کے دوران پاکستانی اداکار کو نہ صارف اپنے ہاتھوں کے بنے ذائقہ دار کھانے پیش کئے بلکہ اپنے ہاتھ کی بنی اپیشل روٹی بھی گفٹ کی جس پہر اداکار کا نام لکھا تھا-

تاہم عمران عباس اب وطن واپس آ گئے ہیں لیکن ان کی ترک شیف اور ارطغرل غازی کے اداکار علیار بے کے ساتھ اچھی خاصی دوستی ہو گئی ہے جس کا اظہار یہ معروف شخصیات اپنی سوشل میڈیا پوسٹس کے ذریعے کرتے نطر آتے ہیں-

حال ہی میں عمران عباس نے سماجی رابطے کی ویب سائٹ انسٹا گرام پر ایک ویڈیو پوسٹ کی جس میں عمران عباس کے ہمراہ ترک شیف براق بھی ہیں اور ویڈیو میں وہ پاکستان اور عمران عباس کے ساتھ محبت کا اظہار کر رہے ہیں براق نے اپنی ویڈیو میں عمران عباس کو بڑا بھائی کہتے ہوئے اپنی محبت اور خلوص کا اظہار کیا-

ویڈیو سئیر کرتے ہوئے عمران عباس نے ترک شیف کی محبت اور خلوص کا شکریہ ادا کیا اور کہا کہ یہ محبت اور دوستی باہمی ہے اور انشاءاللہ کبھی ختم نہیں ہوگی-

عمران عباس کی اس پوسٹ پر براق نے رد عمل دیتے ہوئے اپنے کمنٹ میں پاکستان سے محبت کا اظہار کرتے ہوئے ترکی او ر دل والا ایموجی بناتے ہوئے پاکستان لکھا ساتھ میں ترکی اور پاکستان کے جھنڈوں کے ایموجی کا بھی اضافہ کیا-

عمران عباس نے مزید ترک شیف کے کمنٹ پر ردعمل دیا اور سی زیڈ این براق کو ٹیگ کرتے ہوئے لکھا کہ ہمیں آپ کی پاکستان آمد کا اور آپ کی مہمان نوازی کرنے کا بے چینی سے انتطار ہے پاکستان کھٰلے بازووں اور بے پناہ محبت کے ساتھ آپ کا منتظر ہے-

واضح رہے کہ ترک شیف سی زیڈ این براق نے ایک سوشل میڈیا پوسٹ کے ذریعے اعلان کیا تھا کہ وہ رواں ماہ پاکستان آئیں گے-

بُراق نے مشہور سماجی کارکن اور وکیل ، حسان نیازی کے ساتھ اپنی ویڈیو میں پیغام میں انکشاف کیا تھا کہ وہ رواں ماہ پاکستان آرہے ہیں اور جلد ہی سب سے ملیں گے-

علاوہ ازیں عالمی شہرت یافتہ تُرک شیف براق اوزڈیمیر نے حال ہی میں اپنے ویڈیو پیغام میں پاکستان اور کشمیر سے محبت کا اظہار کیا اور کشمیر آنے کی خوہش ظاہر کی تھی –

سوشل میڈیا پر جاری ویڈیو میں براق نے پاکستان کے ساتھ محبت کا اظہار کرتے ہوئے کہا تھا کہ ہمارا تعلق ترکی سے ہے، ہم پاکستان سےبہت بہت زیادہ محبت کرتےہیں۔ پاکستان ہمارے دل میں ہے۔ میری خواہش اور دعا ہےکہ ہم جلد کشمیر میں آئیں۔ کشمیر کےلیے محبت پاکستان کےلیے محبت ویڈیو میں براق کے ساتھ موجود ترک سماجی کارکن علی کیسک نے بھی کشمیر اور پاکستان کے ساتھ محبت کا اظہار کیا تھا –

ترکش شیف کی دورہ پاکستان میں لاہور اور اسلام آباد میں اہم شخصیات سے ملاقاتیں ہو ں گی لاہور میں گورنر پنجاب سے بھی ملاقات ہو گی علاوہ ازیں براق آزاد کشمیر کا دورہ بھی کریں گے ان کے دورے کے لئےخصوصی انتظامات اور تیاریاں جاری ہیں-

واضح رہے کہ براق اوزڈیمیر عام طور پر سوشل میڈیا پر سی زیڈ این برک کے نام سے جانے جاتے ہیں اور ترکی میں سوشل میڈیا پر سب سے زیادہ فالوورز رکھنے والی شخصیات ت ہیں-

ترک شیف کے مداحوں کو جہاں ان کے پاکستان آنے کی بے چینی سے انتظار ہے اور اپنی پسندیدہ معروف شخصیت کی آمد کی خوشی میں خصوصی انتظامات کر رہے ہیں وہیں عا لمی شہرت یافتہ شیف براق کی پاکستان آمد پر باغی ٹی وی بھی پاکستانیوں کی خوشی میں شریک ہوتے ہوئےان کی بھر پور کوریج کرے گا اور براق کے پاکستانی مداحوں کو ان کے پاکستان میں وزٹ پر لمحہ بہ لمحہ آگاہ کرے گا-

باغی ٹی وی پاکستان کا ڈیجیٹل میڈیا کا معروف ادارہ ہے جسے نہ صرف پاکستان بلکہ اوورسیز پاکستانیوں میں بھی مقبولیت حاصل ہے۔ پاک ترکی تعلقات کی مضبوطی کے لیے بھی باغی ٹی وی کوشاں ہے۔ باغی ٹی وی برادر ملکوں پاکستان اور ترکی کے تعلقات کی مزید مضبوطی کے لیے اہم کردار ادا کر رہا ہے-جو کہ میڈیا کے میدان میں ایک قابل تحسین کاوش ہے-