fbpx

شوگرمل مالکان مافیا کوعمران خان لگام نہ ڈال سکے:چینی عوام کی پہنچ سے دور:عظمیٰ بخاری

لاہور”شوگرمل مالکان مافیا کوعمران خان لگام نہ ڈال سکے:چینی عوام کی پہنچ سے دور:اطلاعات کے مطابق مسلم لیگ(ن) پنجاب کی ترجمان عظمیٰ بخاری چینی کا کہنا ہے کہ عمران خان چینی مافیا کو تحفظ دیتے ہیں۔

تفصیلات کے مطابق مسلم لیگ(ن) پنجاب کی ترجمان عظمیٰ بخاری چینی کی سرکاری ریٹ پر فروخت پر عمل نہ ہونے پر حکومت پر برس پڑی ہیں، ان کا کہنا ہے کہ چینی مافیا کا سرغنہ وزیر اعظم جب چینی مافیا کو تحفظ دے گا تو چینی 89روپے فروخت کیسے ہو گی۔

عظمی بخاری نے کہا کہ حکومت چینی مافیا کی بیساکھیوں پر کھڑی ہے، بازار میں چینی آج بھی 100تا110روپے کلو بک رہی ہے۔ان کا کہنا تھا کہ عمران خان سب چینی چوروں کوباری باری دوبارہ ویلکم کررہے ہیں۔

عظمی بخاری نے کہا کہ شوکت ترین نے پیچھلے ہفتے کہا کہ کل سے مارکیٹ میں چینی 90روپے کلو فروخت ہو گی ،کل پنجاب کے ایک ارسطو وزیر نے کہا آج سے چینی 89روپے پنجاب میں فروخت ہوگی۔

ان کا مزید کہنا تھا کہ شوکت ترین اور پنجاب کے ارسطو وزیر بتادیں 90روپے کلو چینی کہاں فروخت ہورہی ہے۔انہوں نے یہ بھی کہا کہ پاکستان میں شوگرملز مالکان بڑے بڑے سیاسی اورطاقتور مافیاز ہیں ان کے خلاف ہرصورت کارروائی ہونی چاہییے