کشمیریو!عمران خان تمہیں آزادی کی منزل دلا کررہیں گے ،افریقی عمران خان کے بڑے مداح ،عالمی لیڈرسمجھتے ہیں‌،موزی ڈلامنی

0
29

اسلام آباد :کشمیریو! پاکستانی وزیراعظم عمران خان تمہیں آزادی کی منزل دلا کررہیں گے ،میں نے عمران خان سے بڑھ کرمخلص نہیں دیکھا،اطلاعات کےمطابق عظیم سیاستدان نیلسن منڈیلاکےداماد بھی کشمیریوں کی حمایت میں سامنے آگئے اور اہل کشمیر کی آواز کو اٹھانے کیلئے وزیراعظم عمران خان کی کاوشوں کو قابل تحسین قرار دیتے ہوئے کہا جنوبی افریقہ کشمیر پر پاکستان کیساتھ ہے۔

ذرائع کےمطابق عظیم سیاستدان نیلسن منڈیلاکےداماد موزی ڈلامنی نے پارلمینٹ ہاؤس کا دورہ کیا ، جہاں ان کی فیصل جاوید سے ملاقات ہوئی ، ملاقات میں اہل کشمیرپرجاری بھارتی مظالم پر بات چیت ہوئی، فیصل جاوید نے نیلسن منڈیلاکے داماد موزی ڈلامنی کا پارلیمان آمد پر خیر مقدم کیا، جنوبی افریقہ کے سینیٹرماگو دو لیلیٰ بھی نیلسن منڈیلا کے داماد کے ہمراہ تھے۔

ملاقات میں پاکستان اورجنوبی افریقہ کےمابین کرکٹ پر بھی تفصیلی بات چیت ہوئی ، نیلسن منڈیلا کے داماد نے کہا نیلسن منڈیلا کشمیرکےحوالےسےواضح مؤقف رکھتےتھے، اہل کشمیرکےجذبات سےآگاہ ہیں اورانہیں بخوبی سمجھتےہیں، جنوبی افریقہ کشمیر پر پاکستان کیساتھ ہے۔انہوں نے کہا کہ افریقی لوگ عمران خان کودنیا کا ایک لیڈرکے طورپرمانتے ہیں‌

نیلسن منڈیلا کے داماد موزی ڈلامنی نے اہل کشمیر کی آواز کو اٹھانے کیلئے وزیراعظم کی کاوشیں کو قابل تحسین قرار دیتے ہوئے کہا وزیراعظم کی نیلسن منڈیلا سےملاقات تاریخی موقع تھی، جنوبی افریقہمیں وزیراعظم عمران خان کےبہت سےمداح ہیں، جنوبی افریقاکی کرکٹ ٹیم جلدپاکستان کادورہ کرےگی۔

Leave a reply