وزیر اعظم پاکستان عمران خان کی طرف سے سینئر صحافی حامد میر کو ٹویٹر پر ان فالو کرنے کی خبر اور ٹویٹر پر ان فالو حامد میر کا ٹرینڈ چلنے کے بعد آج ہی کے دن حامد میر کے دو لاکھ فالور کم ہو گئے ہیں، ان کے ٹویٹر اکاؤنٹ آڈٹ کے حوالہ سے یہ بھی کہا جارہا ہے کہ ان کے 3.1 ملین فالورز فیک اکاؤنٹس ہیں،
باغی ٹی وی کی رپورٹ کے مطابق پاکستانی وزیر اعظم عمران خان کے ٹوئٹر پر ایک کروڑ سے زائد فالورز ہیں اور ان کا شمار ان عالمی رہنماﺅں میں ہوتا ہے جنہیں سوشل میڈیا پر سب سے زیادہ فالو کیا جاتا ہے تاہم وزیر اعظم عمران خان نے نے صرف 19 لوگوں کو فالو کر رکھا تھا جن میں سے ایک کم ہو کر اب 18 رہ گئے ہیں. جن اکاؤنٹس کو انہوں نے فالو کر رکھا ہے ان میں پی ٹی آئی کی سینئر قیادت ، جمائمہ خان، شوکت خانم ہسپتال اور نمل کالج وغیرہ شامل ہیں۔
عمران خان کے حامد میر کو ان فالو کرنے پر جب ٹویٹر پر ان کے خلاف ٹرینڈ چلا تو صرف بارہ منٹ میں اٹھارہ ہزار سے زائد لوگوں نے انہیں ان فالو کر دیا، حامد میر کو ان فالو کرنے پر سوشل میڈیا پر یہ سوال بھی اٹھایا جارہا ہے کہ اچانک وزیر اعظم عمران خان نے ایسا کیوںکیا ادھر سینئر تجزیہ کار حامد میر نے اردو نیوز سے گفتگو کرتے ہوئے کہا ہے کہ ’ایک صحافی کے لیے یہ اعزاز کی بات ہے کہ ایک سیاست دان اپوزیشن میں ہو کر اسے فالو کرے لیکن حکومت میں آنے کے بعد ان فالو کر دے، میں کہتا ہوں میڈیا پر پابندیاں ہیں مگر وہ یہ بات ماننے کو تیا ر نہیں۔ ‘
وزیر اعظم عمران خان کی طرف سے آج ہی ٹویٹر پر حامد میر کو ان فالو کیا گیا ہے جس کے بعد سے لوگوں کی طرف سے انہیں ان فالو کرنے کا سلسلہ جاری ہے اور ان فالو حامد میر کا ٹرینڈ بھی ٹویٹر پر ٹاپ پر رہا ہے.
