عمران خان کے علاوہ مودی کو کس رہنما نے الیکشن جیتنے پر مبارکباد دی

0
24

بھارتی الیکشن میں مودی کی جماعت بی جے پی کی واضح اکثریت پر مختلف ممالک کے رہنماوں نے مودی کو مبارکباد دی ہے

باغی ٹی وی کی رپورٹ کے مطابق بھارتی وزیر اعظم نریندر مودی کو ان کی اپنی اور پارٹی کی الیکشن میں کامیابی پر پاکستان،چین ،جاپان ،روس ، اسرائیل اور بھوٹان سمیت دنیا کے مختلف ممالک کے رہمناؤں نے مودی کومبارک باد دی ہے ۔چین کے صدر شی جن پنگ نے الیکشن جیتنے پر مودی کو فون کرکے مبارک باد دی اور مستقبل کے لیے نیک خواہشات کا اظہار کیا۔جاپان کے وزیراعظم شنزو ابے نے بھی مودی کو فون کیا اورجیتنے پر مبارک باد دی ،پاکستان کے وزیرا عظم عمران خان نے بھی بھارتی وزیر اعظم مودی کو الیکشن میں کا میابی پر مبارکباد دی ہے.

واضح رہے کہ بھارت میں الیکشن کےغیرحتمی نتائج کے مطابق مودی کی پارٹی بی جے پی نے واضح اکثریت حاصل کرلی، نریندر مودی کی اتحاد جماعت تین سو پچاس نشستوں کے ساتھ پہلے نمبر پر ہے، کانگریس ترانوے سیٹوں کےساتھ دوسرے نمبر پر ہے۔ بھارت کے عام انتخابات 2019 میں بی جے پی کو اکثریت ملی تو بھارتی وزیر اعظم نریندر مودی نے ٹویٹر پر اپنا پیغام جاری کر دیا، سماجی رابطے کی ویب سائٹ ٹویٹر پر اپنے پیغام میں مودی نے کہا کہ ” ایک ساتھ ہم ترقی کریں گے ،ایک ساتھ پھلیں پھولیں گے ،ایک ساتھ مل کر ہم مضبوط بھارت بنائیں گے ،ایک مرتبہ پھر بھارت جیت گیا ۔“ ٹویٹر پر اپنے پیغام کے ساتھ مودی نے وجے بھارتی یعنی کامیاب بھارت کا نعرہ بھی لگایا.

Leave a reply