وزیر اعظم عمران خان کی وزیر اعلیٰ پنجاب سے ملاقات، بجٹ منظوری سے متعلق اہم امور پر گفتگو

وزیر اعظم پاکستان عمران خان نے دورہ لاہور کے دوران وزیر اعلیٰ‌ پنجاب سردار عثمان بزدار سے اہم ملاقات کی اور بجٹ منظور کرنے سے متعلق اہم امور پر گفتگو کی گئی.

باغی ٹی وی کی رپورٹ کے مطابق ملاقات کے دوران گفتگو کرتے ہوئے وزیر اعظم کا کہنا تھا کہ گزشتہ دور میں سیاستدانوں نے دونوں ہاتھوں سے خزانہ لوٹا جس پر آج ہم اسی کا خمیازہ بھگت رہے ہیں، اب پاکستان ان شاء اللہ بہتر سمت پر چل نکلا ہے، حکومت کی معاشی پالیسیوں‌ کے بہت جلد مثبت اثرات سامنے آئیں گے۔

وزیر اعظم عمران خان نے وزیر اعلی پنجاب کو ہدایت جاری کی کہ پنجاب میں ترقیاتی منصوبوں کو بروقت مکمل کیا جائے، اس معاملے میں کسی جگہ بھی تاخیر برداشت نہیں کی جائے گی۔ اسی طرح ان کا کہنا تھا کہ صوبے میں جرائم کی شرح کو کنٹرول کرنے کے لئے اقدامات کئے جائیں۔ ان کا یہ بھی کہنا تھا کہ ملک میں‌کسی جگہ کرپشن برداشت نہیں‌ ہو گی. عوام کا پیسہ صرف عوام پر ہی خرچ ہونا چاہیے.

جواب چھوڑیں

آپ کا ای میل ایڈریس شائع نہیں کیا جائے گا.