تحریک انصاف کے رہنما شبلی فراز نے کہا ہے کہ آج پنجاب حکومت کی جانب سے خط موصول ہوا ہے عمران خان کی سیکیورٹی کو واپس لے لیا گیا ہے سابق وزیراعظم کو سیکیورٹی ملنا ان کاحق ہے،
زمان پارک کی سیکیورٹی پر تعینات خیبرپختونخوا پولیس کی واپسی کا بھی امکان ہے،50 پولیس اہلکاروں کی واپسی کیلئے محکمہ داخلہ پنجاب نے خیبرپختونخوا حکومت سے رابطہ کیا ہے،پنجاب حکومت کی جانب سے بھجوائے گئے مراسلہ میں کہا گیا کہ خیبرپختونخوا پولیس کا دستہ زمان پارک میں عمران کی رہائش گاہ پر تعینات ہے،دستہ خیبرپختونخوا پولیس کو واپس کیا جارہا ہے،
یہ بھی اطلاعات ہیں کہ سابق وزیر اعظم عمران خان سے اسلام آباد پولیس کی سیکیورٹی واپس لے لی گئی عمران خان کی سیکیورٹی پر اسلام آباد پولیس کے ڈی ایس پی سمیت 170 اہلکار تعینات تھے ،سیکیورٹی اہلکار بنی گالہ میں عمران خان کی رہائش گاہ پر شفٹوں میں ڈیوٹی کرتے تھے ،عمران خان سے ایف سی اور خیبرپختونخوا پولیس کے اہلکار بھی واپس لے لیے گئے ہیں
شبلی فراز کا کہنا تھا کہ پولیس نے خود یہ بھی کہا کہ عمران خان کو سیکیورٹی خطرہ ہے،اگر عمران خان کو کچھ ہوا تو اس کی ذمہ داری وزیرداخلہ پر ہوگی عمران خان نے ہمیشہ قانون کی عملداری کو یقینی بنانے کی بات کی،تحریک انصاف نے 2پٹیشن دائر کی ہیں،وفاقی حکومت ، الیکشن کمیشن ،پنجاب اور خیبرپختونخوا حکومت کو فریق بنایا گیا ہے،پٹیشن میں اسپیکرقومی اسمبلی راجہ پرویزاشرف کو بھی فریق بنایا گیا ہے، دوسری پٹیشن میں الیکشن کمیشن کو فریق بنایا کہ نگران وزیر اعلیٰ غیر سیاسی لگانا چاہیے تھا ،نگران وزیر اعلیٰ پنجاب ہمیشہ عمران خان کے خلاف رہے ہیں ،نگران کابینہ کے وزیر بھی سیاسی لگائے گئے ہیں
شبلی فراز کا کہنا ہے کہ عمران خان کی سیکیورٹی پر تعینات خیبر پختونخوا کی پولیس کو واپس لے لیا گیا سابق وزیر اعظم کی سیکیورٹی موجودہ حکومت کی ذمہ داری ہے،گزشتہ ماہ ایک ناکام قاتلانہ حملہ ہوا تھا، عمران خان کی جان کو خطرات لاحق ہیں عمران خان کو نقصان پہنچا تو ا ذمہ دار رانا ثنا اللہ اور اسکی کٹھ پتلیاں ہوں گی، عمران خان نے اپنے کسی بھی کارکن کو قانون توڑنے کے لیے کبھی نہیں اکسایا، نگران حکومت کا مقصد الیکشن کرانا ہوتا ہے انتقامی سیاست کرنا نہیں،نگران وزیر اعلیٰ سے لے کر اسکی کابینہ تک سب کا مقصد الیکشن کروانا نہیں ہے، آئین شکن پر آرٹیکل چھ لگتا ہے، یہ لوگ آئین شکنی کر رہے ہیں، ملک میں جس کی لاٹھی اسکی بھینس ہے،
نوجوان لڑکی سے چار افراد کی زیادتی کی ویڈیو وائرل ہونے کے بعد پولیس ان ایکشن
خاتون سے زیادتی اور زبردستی شادی کی کوشش کرنے والا ملزم گرفتار
نواز شریف کی واپسی، شہباز شریف نے بڑا اعلان کر دیا
وزیراعلیٰ پاؤس میں کیا ہو رہا؟ حمزہ شہباز نے سنگین الزام عائد کر دیا